जापानको चिबा प्रान्तस्थित फुनाबाशी सहरको एक होटलमा ५ तारिखका दिन नेपाली विद्यार्थी २१ बर्षीय बादल छन्त्यालको हत्या आरोपमा प्रहरीले एक जापानी महिलालाई पक्राउ गरेको छ।
३२ बर्षीय आसाका मायु नाम गरेको महिला लाइ पक्राउ गरि अनुसन्धानको क्रममा, “मैले मेरो प्रेमीसँगै मर्न चाहें, त्यसैले चक्कु चोरी गरेँ” भन्ने बयान दिएको जापानी सञ्चारमाध्यमहरूले जनाएका छन्।
उनले उक्त चक्कु स्थानीय पसलबाट चोरी गरेको र त्यसपछि होटलमा विवाद भएपछि घटनामा प्रयोग गरेको बताइएको छ। तर हाल ती महिलाले मौनता अपनाएको र प्रहरीले उनको मानसिक अवस्था तथा घटनाको वास्तविक कारणबारे अनुसन्धान गरिरहेको बताइएको छ।
यो घटनाले जापानमा रहेका अन्तर्राष्ट्रिय विद्यार्थीबीचको सम्बन्ध, मानसिक स्वास्थ्य र आत्महत्या सम्बन्धी सचेतनाको आवश्यकता फेरि एकपटक उजागर गरेको छ।
