टोक्यो, अक्टोबर ७ (न्यूज अन जापान) – अक्टोबर ५ तारिखको रात टोक्यु डेन-एन-तोशी लाइनमा भएको रेल दुर्घटनापछि अक्टोबर ६ भरि ट्रेन सेवा अवरुद्ध हुँदा टोक्योका हजारौं यात्रु, विद्यार्थी र कर्मचारीहरू समस्यामा परेका छन्। विकल्पको रूपमा बस र ट्याक्सीको लाइन निकै लामो देखिएको छ भने इलेक्ट्रिक स्कूटरहरू समेत तुरुन्तै सकिएका छन्।

 

दुर्घटना राति ११ बजेपछि कावासाकी शहरको काजिगाया स्टेशनमा भएको हो, जब शिबुया गइरहेको लोकल ट्रेनले त्यही ट्र्याकमा रोकिएको एउटा सेवा बाहिरको ट्रेनसँग ठोक्कियो। टोक्यु कर्पोरेशनका अनुसार, रोकिएको ट्रेन एक प्रशिक्षार्थी चालकले चलाइरहेका थिए र तोकिएको गतिभन्दा बढी स्पीडका कारण ट्रेन अचानक रोकिँदा यसको पछिल्लो भाग मुख्य ट्र्याकमा अड्किएको थियो। त्यही भागमा अर्को ट्रेन ठोक्किएको हो।

 

भाग्यवश, यात्रु वा चालक दल कसैलाई चोटपटक नलागेको जनाइएको छ। तर, सेवाको अवरोधले गर्दा शिबुया आसपासका सबै स्टेसनहरूमा ठूलो भीड र लामो लाइन देखिएको छ।

 

 

शिबुया स्टेशनमा बेलुका ८ बजेअगावै लामो बस लाइन देखिन्थ्यो, जसको अन्त्य देख्न मुस्किल थियो। एक यात्रुले भने, "म भोलिका लागि घरबाट काम गर्ने तयारी गरिसकेको छु," भने अर्काले भने, "१० मिनेटमा पुग्ने बाटो आज एक घण्टा लाग्यो।"

 

मिजोनोकुची स्टेशनमा बिहान ७:३० बजेदेखि नै बस र ट्याक्सीको लाइन देखिएको थियो। एक यात्रुले भने, "म ८:४५ मा अफिस पुग्नु पर्ने थियो, अब फोन गरेर ढिला हुने बताउनु पर्छ।"

 

 

कोमाजावा विश्वविद्यालयले आफ्नो सेतागाया वार्डस्थित तीन क्याम्पसमा सबै भौतिक कक्षा रद्द गरेको छ। एक विद्यार्थीले भने, "म साँझ हैनेडा नजिक कन्सर्टमा जान लागेको थिएँ। अब एलयुप (LUUP) स्कूटर लिएर पुग्ने विचार गरेको छु।"

 

 

सागिनुमा स्टेशनमा एक अभिभावकले भने, "आज मेरी छोरीको जन्मदिन हो, हामी सानरियो प्युरोल्यान्ड जान लागेको थियौं। अब ट्याक्सी कुर्दैछौं।"

 

सेवा कहिले सुचारु हुने टुङ्गो छैन

 

दुर्घटना भएको २४ घण्टासम्म पनि सेवा कहिले सुचारु हुने हो भन्ने कुनै स्पष्ट जानकारी नआएको टोक्यु कर्पोरेशनले जनाएको छ। यात्रुहरू विभिन्न वैकल्पिक उपायहरू अपनाउँदै गन्तव्यतर्फ लागिरहेका छन्।

वासिङ्टन (रासस/एएफपी) । अमेरिकी वित्तमन्त्री स्कट बेसेन्टले जापानी येनको स्थिरता केवल जापान वा अमेरिकाका लागि मात्र नभई समग्र एसियाली अर्थतन्त्रका लागि पनि महत्त्वपूर्ण रहेको बताएका छन्। उनले कमजोर येनका कारण क्षेत्रीय मुद्राबजारमा अस्थिरता फैलिन सक्ने चेतावनी दिएका छन् । उनले यही कारणले संयुक्त राज्य अमेरिका र जापानले येनलाई समर्थन गर्न संयुक्त रूपमा हस्तक्षेप गरेको स्पष्ट पारेका ...

। जापानले सैन्य क्षमता विस्तारलाई तीव्र बनाएको भन्दै उत्तर कोरियाले त्यसलाई आफ्नो सुरक्षामाथिको गम्भीर चुनौतीका रूपमा व्याख्या गर्दै आवश्यक परे थप सैन्य विकल्प अपनाउने चेतावनी दिएको छ । उत्तर कोरियाली नेता किम जोङ उनकी बहिनी किम यो जोङले बुधबार सार्वजनिक वक्तव्यमा जापान दोस्रो विश्वयुद्धपछिको शान्तिवादी नीतिबाट टाढिँदै ‘युद्ध राज्य’ मा रूपान्तरण भइरहेको आरोप लगाउँदै प्योङयाङ त्यसको ...

। जापानको दक्षिणी कुमामोटो प्रदेशमा मंगलबार ७.१ म्याग्निच्युडको शक्तिशाली भूकम्प जाँदा सपिङ मलमा भएको विस्फोट र विभिन्न संरचना भत्किँदा कम्तीमा तीन जनाको मृत्यु भएको छ । अन्य दर्जनौं घाइते भएका छन् । कुमामोटो प्रान्तीय सरकारले बुधबार बिहान दिएको जानकारीअनुसार भूकम्पपछि एइअन मलमा भएको विस्फोटपछि रातभर सञ्चालन गरिएको उद्धार अभियानमा आठ जनालाई जीवित उद्धार गरिएको छ । ...

। दक्षिण पश्चिमी जापानमा मङ्गलबार ७.१ म्याग्निच्युडको शक्तिशाली भूकम्प गए पछि, जापान मौसम विज्ञान विभागले सुनामीको चेतावनी जारी गरेको छ । जापानको क्युशु टापुमा आएको कम्पन जापानको आफ्नै “शिन्डो स्केल” मा मापन गरिएको विभागले जनाएको छ । सुनामी एक मिटरसम्म मापन गर्न सकिने तथा साँझ ५ः०० बजेसम्म आइ पुग्न सक्ने जनाइएको छ । जापानी मिडीया एन एच ...

। विदेश भ्रमणमा लैजाने प्रलोभन देखाएर सर्वसाधारणबाट रकम असुली ठगी गरेको आरोपमा पोखरास्थित ‘ओसिस टुरिज्म इन्टरनेशनल’का दुई जना सञ्चालकलाई प्रहरीले पक्राउ गरेको छ । कास्की प्रहरीले पोखरा–५ पर्स्याङमा सञ्चालित उक्त कम्पनीमा छापा मारी उनीहरूलाई नियन्त्रणमा लिएको हो । पक्राउ पर्नेमा सप्तरीको कञ्चनपुर नगरपालिका–१२ का २६ वर्षीय विवेक रेग्मी र भारतको कर्नाटक राज्य, सान्तीनगर बस्ने मोहम्मद यासेर ...