टोकियो, अक्टोबर ७ (न्यूज अन जापान) — जापानको प्रमुख वित्तीय संस्था Mitsubishi UFJ Financial Group (MUFG) ले सन् २०२६ जनवरीदेखि लागू हुनेगरी जापानको राष्ट्रिय स्टेडियम को नामाङ्कन (naming rights) अधिकार प्राप्त गर्ने तयारी गरेको छ।
टोकियो ओलम्पिक तथा प्यारालम्पिक खेलहरूको मुख्य स्थलको रूपमा प्रयोग भएको यो स्टेडियम यस वर्षको अप्रिल महिनामा निजीकरण गरिएको थियो। निजीकरणपछि स्टेडियम सञ्चालन गर्ने संस्थाले नामाङ्कन अधिकारका लागि आवेदन मागेको थियो।
प्रक्रियासँग सम्बन्धित स्रोतहरूले जनाए अनुसार, MUFG ले उक्त अधिकार प्राप्त गर्ने लगभग पक्का भएको छ र स्टेडियमको नयाँ नामसहितको औपचारिक घोषणा अक्टोबरको अन्त्यतिर हुने अपेक्षा गरिएको छ।
यो सम्झौतामार्फत MUFG ले स्टेडियमको व्यवस्थापनमा समेत सहभागी हुनेछ। स्टेडियममा विविध खेलकुद तथा सांस्कृतिक कार्यक्रमहरूको आयोजना गर्दै, MUFG ले आफ्नो ब्रान्ड प्रभाव विस्तार गर्न र ग्राहकहरूसँगको अन्तर्क्रियामा वृद्धि गर्ने लक्ष्य लिएको बताइएको छ।
