मुख्य समाचार
खडेरी, बाढी तथा हिंसात्मक घटनाका कारण सोमालियामा आन्तरिक विस्थापन बढ्दै
खडेरी, बाढी तथा हिंसात्मक घटनाका कारण सोमालियामा आन्तरिक विस्थापन बढ्दै

। खडेरी, बाढी तथा हिंसात्मक घटनाका कारण सोमालियामा आन्तरिक विस्थापन बढ्दै गएको छ । यसले देशको मानवीय संकटसमेत थप गहिरो बनाएको संयुक्त राष्ट्रसंघीय मानवीय मामिला समन्वय कार्यालय (ओसीएचए) ले जनाएको छ ।

ओसीएचएका अनुसार सोमालियाभर हाल ३३ लाखभन्दा बढी मानिस विस्थापित अवस्थामा छन्। विस्थापित हुनेमा अधिकांश महिला, बालबालिका तथा ज्येष्ठ नागरिक रहेका छन् । संयुक्त राष्ट्रसंघीय शरणार्थी निकायको तथ्याङ्क उद्धृत गर्दै कार्यालयले सन् २०२६ को जनवरीदेखि सेप्टेम्बरसम्म मात्रै आठ लाखभन्दा बढी मानिस आफ्नो घर छाड्न बाध्य भएको जनाएको छ । तीमध्ये करिब ७० प्रतिशत मानिस खडेरीका कारण विस्थापित भएका हुन् ।

यसैबीच, एल निनोको प्रभावसँग सम्बन्धित सम्भावित बाढीका कारण आगामी डिसेम्बरसम्म थप लाखौँ मानिस विस्थापित हुन सक्ने चेतावनी दिइएको छ । गत महिना मात्रै बाढीका कारण १७ हजार पाँच सयभन्दा बढी मानिस विस्थापित भएका थिए भने एक लाख ७० हजारभन्दा बढी प्रभावित भएका थिए ।

त्यस्तै, बे र बारी क्षेत्रमा भएको हिंसाका कारण सेप्टेम्बर र अक्टोबरमा करिब नौ हजार पाँच सय मानिस विस्थापित भएको ओसीएचएले जनाएको छ । विस्थापनले विशेषगरी महिला, बालिका, बालबालिका, अपाङ्गता भएका व्यक्ति तथा अल्पसङ्ख्यक समुदायलाई हिंसा, शोषण र दुव्र्यवहारको जोखिममा पारेको कार्यालयको भनाइ छ ।


अन्तर्राष्ट्रिय रेडक्रस समिति (आईसीआरसी) का अनुसार दक्षिण पश्चिम सङ्घीय राज्यअन्तर्गतका बे र बाकुल क्षेत्र खाद्य असुरक्षाबाट सबैभन्दा बढी प्रभावित छन् । मार्चदेखि बढेको सशस्त्र द्वन्द्वले खडेरीबाट प्रभावित समुदायको अवस्था थप कठिन बनाएको छ ।

खाद्यान्न अभाव, स्वास्थ्य सेवामा सीमित पहुँच तथा सहायता कटौतीका कारण स्वास्थ्य केन्द्रहरू बन्द भइरहेका बेला सम्भावित वर्षाले प्रभावित परिवारको समस्या थप जटिल बनाउन सक्ने आईसीआरसीले जनाएको छ ।

ओसीएचएका अनुसार आर्थिक अभावका कारण खाद्य सहायता प्राप्त गर्ने मानिसको सङ्ख्या जनवरीमा ११ लाख रहेकामा जुनसम्म घटेर करिब छ लाखमा सीमित भएको छ । यस वर्ष आर्थिक स्रोतको अभावमा २३३ पोषण केन्द्र र ३८० स्वास्थ्य संस्थाले सेवा बन्द गरेका वा घटाएका छन् । सोमालियाको मानवीय सहायता योजनाका लागि आवश्यक ८५२ मिलियन अमेरिकी डलरमध्ये हालसम्म ३६ प्रतिशत रकम मात्र जुटेको छ ।

प्रतिक्रिया दिनुहोस्
अन्य समाचारहरु
। न्युजिल्यान्डको कमर्स कमिसनले व्यवसायमा कृत्रिम बुद्धिमत्ता (एआई) को प्रयोग गर्दा प्रतिस्पर्धा तथा उपभोक्ता संरक्षणसम्बन्धी कानुनी व्यवस्था कसरी लागू हुन्छ भन्ने विषयमा नयाँ निर्देशिका जारी गरेको छ । कमर्स कमिसनकी उपाध्यक्ष एनी क्यालिननले बुधबार जारी गरेको विज्ञप्तिमा एआईले व्यवसाय सञ्चालनको शैलीमा परिवर्तन ल्याए पनि यसले व्यवसायको कानुनी दायित्वमा कुनै परिवर्तन नगर्ने बताएका छन् । उनका अनुसार ...
: अमेरिकी राष्ट्रपति डोनाल्ड ट्रम्प, रुसी राष्ट्रपति भ्लादिमिर पुटिन र चिनियाँ राष्ट्रपति सी चिनफिङ पहिलोपटक एकसाथ सार्वजनिक मञ्चमा देखिएका छन् । एसिया–प्रशान्त आर्थिक सहयोग (एपेक) शिखर सम्मेलनका क्रममा चीनको सेन्जेनमा बुधबार राति आयोजित स्वागत रात्रिभोज (गाला डिनर) अघि तीनै नेता रेड कार्पेटमा सँगै उभिएका हुन्। रुसको क्रेमलिन प्रेस टोलीले टेलिग्राममार्फत सार्वजनिक गरेको भिडियोमा विश्वका तीन शक्तिशाली ...
। अमेरिकी राष्ट्रपति डोनाल्ड ट्रम्पले फिलिपिन्ससँग रक्षा तथा ऊर्जा क्षेत्रमा सहकार्य विस्तार गर्ने बताएका छन् । उनले फिलिपिन्सको पहिलो आधुनिक आणविक ऊर्जा परियोजनामा अमेरिकी प्रविधि उपयोग गर्न सकिने उल्लेख गरे। राष्ट्रपति फर्डिनान्ड मार्कोस जुनियरले बुधबार मनिलास्थित राष्ट्रपति भवनमा ट्रम्पलाई सैनिक टुकडी र ब्यान्डसहित स्वागत गर्नुभएको थियो । भ्रमणका क्रममा करिब एक हजार प्रदर्शनकारीले अमेरिकी नीतिको विरोध गर्दै ...
। रुसी राष्ट्रपति भ्लादिमिर पुटिनले अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङसँग हुने त्रिपक्षीय शिखर सम्मेलनले प्रमुख शक्तिबीचको सम्बन्ध सुधार्न महत्त्वपूर्ण योगदान पुर्‍याउने अपेक्षा व्यक्त गरेका छन्। बुधबार चीनको सेन्जेनमा आयोजित एसिया–प्रशान्त आर्थिक सहयोग (एपेक) शिखर सम्मेलनलाई सम्बोधन गर्दै उनले बिहीबार हुने तीन देशका नेताबीचको पहिलो त्रिपक्षीय बैठक अत्यन्त उपयोगी हुने विश्वास व्यक्त गरे। पुटिनले ...
। इजरायली प्रधानमन्त्री बेन्जामिन नेतान्याहुको सत्ता पकडमा मंगलबार गम्भीर धक्का लागेको छ। इजरायली संसद ‘नेसेट’ ले विपक्षी गठबन्धनका उम्मेदवारलाई नयाँ सभामुखमा निर्वाचित गरेसँगै विधायिकी कार्यसूचीमा विपक्षीहरूको नियन्त्रण स्थापित भएको छ। नेसेट प्रवक्ताका अनुसार विपक्षी नेता गादी आइजेनकोटको ‘यशार’ पार्टीका सांसद मतान कहाना ६६ सांसदहरूको समर्थन प्राप्त गर्दै नेसेटको २६औँ सभामुखमा निर्वाचित भएका हुन्। उनले नेतान्याहुको लिकुड ...