मुख्य समाचार
जलवायु परिवर्तनको असरलाई विश्व समुदायले गम्भीर रुपमा लिनुपर्नेमा नेपाली प्रतिनिधिले जोड
जलवायु परिवर्तनको असरलाई विश्व समुदायले गम्भीर रुपमा लिनुपर्नेमा नेपाली प्रतिनिधिले जोड

। जलवायु परिवर्तनको असरलाई विश्व समुदायले गम्भीर रुपमा लिनुपर्नेमा नेपाली प्रतिनिधिले जोड दिएका छन् ।

स्वीट्जरल्याण्डको जेनेभामा आयोजित अन्तर्राष्ट्रिय सम्मेलनमा नेपालको प्रतिनिधित्व गर्दै रुपन्देहीको भैरहवाकी युवा नेतृ तथा जलवायु क्षेत्रको जानकार स्वाती थापाले नेपालमा जलवायु परिवर्तनले पुराएको असरबारे विश्व समुदायलाई ध्यानाकर्षण गराउँदै संसारको सामु ठूलो चुनौती सृजना भएको पनि बताइन् ।
‘जलवायुु परिवर्तनको असर कुुनै एक देश, क्षेत्रलाई मात्रै नभई संसारभर पर्ने गर्दछ । नेपालको भोटेकोशी, बुुढिगण्डकी, त्रिशुुली नदीमा आएको अकास्मात बाढी पनि त्यसैको असर हो,यो विस्तारै संसारभरि फैलिनेछ’, सम्मेलनमा उनले भनेकी छन्, ‘यसैले विश्व समुदाय सचेत भई एकअर्कामा हातेमालो गरेर अगाडी बढ्नुुको विकल्प छैन ।’

सो सम्मेलनमा उनले शिक्षा, कृत्रिम बुद्धिमत्ता एआई, शैक्षिक न्याय, जलवायु परिवर्तन तथा विपद्का समयमा शिक्षाको निरन्तरतासम्बन्धी महत्वपूर्ण विषयहरू पनि उठान गरेकी थिईन् ।


अन्तर्राष्ट्रिय सिम्पोजियममा वक्ताका रूपमा सहभागी थापाले आर्टिफिसीयल इन्टेलिजेनस र एजुुकेशनल जस्टीश शीर्षकमा आफ्नो कार्यपत्र प्रस्तुुत समेत गरेकी थिइन् । उक्त कार्यक्रममा थापाले आफ्नो कार्यपत्रमा विशेषगरी रसुवाको भोटेकोशी क्षेत्रमा आएको विनाशकारी बाढी तथा गोरखाको बूढीगण्डकी नदी क्षेत्रमा परेको बाढीको प्रभावलाई उल्लेख गर्दै विपद्का समयमा विद्यालय, शिक्षक र विद्यार्थीले भोग्नुपर्ने चुनौती तथा सिकाइ निरन्तरताको आवश्यकताबारे विश्वको ध्यानकर्षण गराएकी थिइन् ।

उनले कृत्रिम बुद्धिमत्तालाई शिक्षामा समान पहुँच र अवसर विस्तार गर्ने महत्वपूर्ण माध्यमका रूपमा प्रस्तुत गर्दै प्रविधिको प्रभावकारी उपयोगका लागि दक्ष तथा सशक्त शिक्षक, सबल शैक्षिक संस्था र समावेशी नीतिगत व्यवस्थाको आवश्यकता औँल्याइन्। विशेषगरी ग्रामीण, दुर्गम तथा आर्थिक र सामाजिक रूपमा पछाडि परेका समुदायका बालबालिकाले पनि गुणस्तरीय शिक्षामा समान अवसर पाउनुपर्नेमा उनले जोड दिइन् ।

उनले नेपालका चुनौतीहरूलाई अन्तर्राष्ट्रिय मञ्चमा प्रस्तुत गर्नुका साथै विभिन्न देशका संस्था, विकास साझेदार, शिक्षाविद् तथा अन्तर्राष्ट्रिय सञ्जालसँग सहकार्य र सम्बन्ध विस्तार गरी नेपालका लागि दीर्घकालीन सहयोग र अवसर जुटाउनुपर्नेमा जोड दिइन् ।

अन्तर्राष्ट्रिय समुदायको महत्वपुर्ण उपस्थिती रहेको सम्मेलनमा नेपालको प्रतिनिधीले शिक्षा, जलवायु परिवर्तन र विपद् व्यवस्थापनका सवाललाई अन्तर्राष्ट्रिय बहससँग जोड्नुका साथै नेपालका लागि अन्तर्राष्ट्रिय सहकार्य, सञ्जाल विस्तार र सहयोगका नयाँ सम्भावना खोज्ने अवसर प्रदान गरेको उनले जानकारी दिइन् ।

कार्यक्रममा अन्तराष्ट्रिय एजुकेटर विथवाउट बोर्डर ईडब्लुबिआईले संयोजन गरेको उक्त सम्मेलनमा विभिन्न देशका विषय विज्ञहरुको सहभागिता रहेको थियो ।

प्रतिक्रिया दिनुहोस्
अन्य समाचारहरु
: काभ्रेपलाञ्चोकको पनौती नगरपालिका–११, बल्थलीस्थित 'बल्थली माउन्टेन रिसोर्ट'बाट प्रहरीले थप ४० जना विदेशी नागरिकलाई पक्राउ गरेको छ । बुधबार रिसोर्टबाट ३६ जना जापानी र ४ जना चिनियाँ नागरिकलाई नियन्त्रणमा लिइएको जिल्ला प्रहरी कार्यालय काभ्रेका प्रहरी नायब उपरीक्षक (डिएसपी) रबिन विष्टले जानकारी दिए । पक्राउ परेकाहरूमाथि आवश्यक छानबिन तथा थप अनुसन्धान भइरहेको डिएसपी विष्टले बताए। यसअघि मंगलबार ...
। सुनसरीको धरानमा रहेको बराह बचत तथा ऋण सहकारी संस्था सञ्चालन गर्ने बराह ग्रुपका अध्यक्ष पक्राउ परेका छन् । करिब ११ अर्ब रकम अपचलन आरोपमा अध्यक्ष शिव लामिछाने (शिवकुमार विश्वकर्मा) पक्राउ परेका हुन् । कोशी प्रदेश प्रहरी प्रमुख डीआइजी शेखर खनालले लामिछानेलाई पक्राउ गरिएको पुष्टि गरे । उनका अनुसार लामिछानेलाई कोशी प्रदेशबाट पक्राउ गरिएको हो । ...
: जिल्ला प्रहरी कार्यालय गुल्मीमा कार्यरत प्रहरी निरीक्षक (इन्स्पेक्टर) पर्वत कुमार केसी निवासमा सुतिरहेकै अवस्थामा मृत भेटिएका छन्। सुतेकै अवस्थामा अचेत फेला परेका केसीलाई जिल्ला अस्पताल गुल्मीले मृत घोषणा गरेको हो। ५२ वर्षीय केसीको शव प्रहरीले घरपरिवारको जिम्मा लगाएको छ। दाङ स्थायी घर भएका केसी जिल्ला प्रहरी कार्यालयको अपराध नियन्त्रण तथा अनुसन्धान शाखामा कार्यरत थिए। मंगलबार बिहान ...
: नेकपा (एमाले)की सचिव पद्मा अर्यालले देश निर्माण गर्ने मूल पार्टी एमाले नै भएको बताएकी छन्। बुधबारबाट काठमाडौंमा सुरु भएको एमालेको राष्ट्रिय भेलामा सचिव अर्यालले पार्टीलाई अझ बढी सशक्त र बलियो बनाउन सबैले आ–आफ्नो स्थानबाट जिम्मेवारी वहन गर्नुपर्ने धारणा राखिन्। आगामी दिनमा आउन सक्ने राजनीतिक परीक्षण र चुनौतीहरूको सामना गर्न पूर्ण रूपमा तयार रहनुपर्ने उनले ...
। दानबहादुर कार्कीलाई प्रहरी महानिरीक्षकबाट हटाउने सरकारी निर्णयविरुद्ध अन्तरिम आदेश जारी गर्ने कि नगर्ने भन्नेबारे सर्वोच्च अदालतमा फेरि सुनुवाइ हुने भएको छ । न्यायाधीश श्रीकान्त पौडेलको इजलासले आगामी सोमबार (मंसिर ७) अन्तरिम आदेशको छलफलका लागि दुवै पक्षलाई झिकाउने आदेश गरेको हो । त्यो दिन रिट निवेदक कार्कीका कानुन व्यवसायी, कार्कीलाई हटाउने सरकारी निर्णयको प्रतिरक्षा गर्ने सरकारी वकिल ...