: नेकपा एमालेका अध्यक्ष केपी शर्मा ओलीले अहिलेको सरकार जनताप्रति उत्तरदायी नभएको बताएका छन्। एमालेको राष्ट्रिय भेलालाई सम्बोधन गर्दै अध्यक्ष ओलीले निर्वाचनपश्चात बनेको सरकारको कामबाट सबै क्षेत्रमा निराशा मात्र बढिरहेको बताएका हुन्।
ओलीले भने,‘अहिले देश राजनीतिकरुपमा एउटा आतंकको छाँयामुनि,भय र त्रासको वातावरणमा पनि। असंवैधानिक, गैह्रकानुनी क्रियाकलापहरुको पेलाइमा स्वेच्छाचारी शासनअन्तर्गत देश चलिरहेको छ। फाँसिवादतर्फ र दमनकारी प्रतिशोधि व्यवहार अगाडि बढिरहेको छ। आर्थिक हिसाबले देश लगातार अघोगतिमा गइरहेको छ। सामाजिक मूल्य मान्यता खस्किरहेका छन्।’
उनले असंवैधानिक ढंगले भएको संसद् विघटन भएको दोहोर्याए। ओलीले अदालतले केही नभएजस्तो गरी असंवैधानिक ढंगले विघटन भएको संसद्को मुद्दा केही नभएजस्तो गरी अदालतमा थन्किएको भन्दै आपत्ति जनाए। अध्यक्ष ओलीले सम्मानित अदालतले प्रतिनिधि सभालाई संवैधानिक नभएको जस्तो व्यवहार देखाएको बताए।
ओलीले बेलाबेला अदालतबाट संसद् सम्बन्धी आफूखुसी गरेको फैसलालाई स्वीकार्दै आएको औँल्याउँदै अहिले किन चुप भनेर अदालतप्रति प्रश्न गरे। उनले भने,‘प्रतिनिधि सभाको विघटन सम्बन्धी सम्मानित अदालतबाट आफू अनुकुल फैसला भइरहेको देखेकै हो। हामीले स्वीकार्दै आएका हौं। अहिले सम्मानित प्रतिनिधि सभाको मुद्दा अदालतमा छ। तर अदालतले प्रतिनिधि सभा संबैधानिक होइन जस्तो गरेको छ। कुनै फैसला गर्दैन।’
उनले देशलाई लोकतन्त्रको मार्गमा फर्काउनन आवश्यक रहेको बताए। त्यसका लागि नेपाली अगाडि आउनुपर्ने बताए।
उनले जनतालाई झुक्याएर छलेर जेनजी विद्रोहको बहाना बनाएर तालिम प्राप्त अपराधि भित्र्याएर देशमा वितण्डता मनाइएको स्मरण गराए। उनले राज्यका तीनै अंगमाथि हमला भएको स्मरण गरे।