— कुवेती सेनाले देशको हवाई रक्षा प्रणालीले शत्रुतापूर्ण ड्रोन आक्रमणको प्रतिकार गरिरहेको जनाएको छ।
कुवेतको सेनाले सामाजिक सञ्जाल एक्समार्फत विज्ञप्ति जारी गर्दै हवाई रक्षा प्रणालीले अहिले ड्रोन आक्रमणको सामना गरिरहेको बताएको हो।
कुवेती सेनाको जनरल स्टाफका अनुसार सुनिएका विस्फोटका आवाज हवाई रक्षा प्रणालीले आक्रमण रोक्ने क्रममा भएका हुन्।
बीबीसी फारसीका अनुसार इरानी सञ्चारमाध्यमले ‘अरब स्रोत’लाई उद्धृत गर्दै कुवेतमा विभिन्न स्थानमा विस्फोट भएको खबर दिएका छन्।
यसअघि पछिल्ला केही दिनमा इरानले बहराइनस्थित अमेरिकी राडार केन्द्रमा आक्रमण गरेको घोषणा गरेको थियो। खाडी क्षेत्रका केशम र सिरिकलगायत तटीय क्षेत्रमा अमेरिकाले गरेको हवाई आक्रमणको जवाफमा ती आक्रमण गरिएको इरानको भनाइ थियो।
इरानले आफ्नो भूमिमा आक्रमण भए क्षेत्रीय मुलुकहरूमा रहेका र त्यसभन्दा बाहिरका अमेरिकी सैन्य अखडालाई समेत निशाना बनाउन सक्ने चेतावनी दिँदै आएको छ।
बीबीसी