: प्रधानमन्त्री बालेन शाहको विशेष सुरक्षा सल्लाहकारमा नियुक्त भएका दानबहादुर कार्कीले पत्र बुझेको गृह मन्त्रालयले जनाएको छ। गृह मन्त्रालयका प्रवक्ता आनन्द काफ्लेले नियुक्त भएकै दिन कार्कीले नियुक्ति पत्र बुझेको जानकारी दिए।
तर, निवर्तमान प्रहरीमहानिरीक्षक कार्की भने आफूलाई महानिरीक्षक पदबाट हटाएको भन्दै सरकारको सो निर्णयका विरुद्ध वारिसमार्फत सर्वोच्च अदालतमा रिट दायर गरेका छन्। उनको पेशी सोमबारका लागि तोकिएको थियो। तर सरकारले छठ पर्वको अवसरमा सार्वजनिक बिदा दिएपछि पेशी चढ्न ढिलाइ हुने भएको छ।
मुलुकको शान्ति सुरक्षाको व्यवस्था सुदृढ गर्नका लागि प्रधानमन्त्रीलाई सुरक्षा सम्बन्धी आवश्यक सल्लाह, सुझाव र परामर्श दिन कार्कीलाई मन्त्रिपरिषद्को बैठकले प्रधानमन्त्रीको विशेष सुरक्षा सल्लाहकार पद सिर्जना गरी नियुक्त गरेको जनाएको छ।
उनको कार्यकक्ष सिंहदरबारस्थित प्रधानमन्त्री तथा मन्त्रिपरिषद्को कार्यालयमा स्थापना गरिएको छ। तर हालसम्म उनी कार्यालय हाजिर भने भएका छैनन्।