मुख्य समाचार
युक्रेनी राष्ट्रपति भोलोदिमिर जेलेन्स्कीले स्टारलिंक सेवामा लगाइएको गति प्रतिबन्ध हटाउन अमेरिका र अमेरिकी अर्बपति एलन मस्कसँग आग्रह
युक्रेनी राष्ट्रपति भोलोदिमिर जेलेन्स्कीले स्टारलिंक सेवामा लगाइएको गति प्रतिबन्ध हटाउन अमेरिका र अमेरिकी अर्बपति एलन मस्कसँग आग्रह

: युक्रेनी राष्ट्रपति भोलोदिमिर जेलेन्स्कीले स्टारलिंक सेवामा लगाइएको गति प्रतिबन्ध हटाउन अमेरिका र अमेरिकी अर्बपति एलन मस्कसँग आग्रह गरेका छन् । उनले प्रतिबन्धका कारण रुसी आक्रमण रोक्न युक्रेनलाई कठिनाइ भइरहेको बताएका छन् ।

जेलेन्स्कीका अनुसार अमेरिकी सरकारको सहयोगमा युक्रेनले प्रयोग गरिरहेको सैन्य प्रयोजनको स्याटेलाइट इन्टरनेट सेवा ‘स्टारशिल्ड’ मा लगाइएको गति सीमाले रुसी ड्रोन रोक्ने अभियान प्रभावित भएको छ । उनले जाडोयामअघि नागरिकको जीवन र युक्रेनको ऊर्जा पूर्वाधारको सुरक्षा यसैमा निर्भर रहेको बताएका छन् ।

उनले अमेरिकी सरकार र मस्कको कम्पनीसँग समन्वय गरेर प्रतिबन्ध हटाउन पहल गर्न अधिकारीहरूलाई निर्देशन दिएको पनि बताएका छन् । ‘इतिहासको सही पक्षमा उभिनु महत्त्वपूर्ण छ’, उनले भनेका छन् ।
युक्रेनले युद्धमैदानमा सञ्चारका लागि सामान्य स्टारलिंक सेवा प्रयोग गर्दै आएको छ भने क्षेप्यास्त्र तथा ड्रोन रोक्ने अभियानमा सैन्य प्रयोजनको स्टारशिल्ड प्रयोग गर्दै आएको छ ।

जेलेन्स्कीका अनुसार अग्रपङ्क्ति र रुसी नियन्त्रणमा रहेका क्षेत्रमा स्टारशिल्ड टर्मिनलको सञ्चालन गतिमा लगाइएको प्रतिबन्ध अझै कायम छ । यसका कारण प्रतिआक्रमणका लागि प्रयोग गरिने युक्रेनी ड्रोनले प्रतिघण्टा १६१ किलोमिटरभन्दा बढी गतिमा उड्दा सञ्चालकसँगको सम्पर्क गुमाउने गरेका छन् । जसले रुसी जेट इन्जिनयुक्त ड्रोनलाई रोक्न कठिन बनाएको छ ।

यसअघि एलन मस्कले स्टारशिल्ड अमेरिकी सरकारको नियन्त्रणमा रहेकाले प्रतिबन्धको जिम्मेवारी पनि अमेरिकी सरकारकै भएको बताएका थिए । तर अमेरिकी राष्ट्रपति डोनाल्ड ट्रम्पले भने आफू जिम्मेवार नरहेको बताउँदै मस्कलाई सेवा सामान्य अवस्थामा फर्काउन निर्देशन दिएको बताएका थिए ।

यसैबीच, रुसले आइतबार युक्रेनका जापोरिजिया, सुमी, ओडेसा, झितोमिर र किरोभोहरादलगायत क्षेत्रमा ऊर्जा पूर्वाधार तथा रेल सञ्जाललाई लक्षित गरी आक्रमण गरेको युक्रेनले जनाएको छ । आक्रमणमा केही मानिस घाइते भएका छन् भने चेर्निहिभ क्षेत्रमा दुई जनाको मृत्यु भएको बताइएको छ ।

यता युक्रेनले पनि रुसको तातारस्तानस्थित एक पेट्रोकेमिकल उद्योग र तेल प्रशोधन केन्द्रमा आक्रमण गरेको दाबी गरेको छ । उता इस्टोनियाले रुसी गुप्तचर निकायको संलग्नतामा ड्रोन निर्माता कम्पनीमा आगजनीको प्रयास भएको आशंकापछि आगामी डिसेम्बर १ देखि रुससँगका सीमा नाका बन्द गर्ने घोषणा गरेको छ ।

प्रतिक्रिया दिनुहोस्
अन्य समाचारहरु
अमेरिकी विदेशमन्त्री मार्को रुबियोले मध्यपूर्वका प्रमुख समस्याको जड इरानका शिया धर्मगुरु र उनीहरूको विस्तारवादी मानसिकता भएको आरोप लगाएका छन् । वासिङ्टन डीसीमा आयोजित सन् २०२६ को राष्ट्रिय वकिल सम्मेलनलाई सम्बोधन गर्दै रुबियोले मध्यपूर्वका ‘हरेक प्रमुख समस्या’ इरानका शिया धर्मगुरु र उनीहरूको विस्तारवादी सोचका कारण उत्पन्न भएको बताएका हुन् । यमनका हुथी विद्रोही, इराकका शिया लडाकु समूह, सिरियाका ...
बंगलादेशको गोपालगञ्जमा अवामी लिगका नेता, कार्यकर्ता तथा समर्थकले विरोध प्रदर्शन गरेका छन् । बंगलादेश सरकारले उक्त पार्टीका गतिविधिमाथि प्रतिबन्ध लगाएको छ । स्थानीय पत्रकारका अनुसार दिनभर चलेको प्रदर्शनमा सहभागी कतिपयले धारिलो हतियार र लाठी बोकेका थिए । बीबीसी बंगलाका अनुसार प्रदर्शनकारीले जिल्ला अवामी लिगको कार्यालय कब्जा गरेका छन् । उनीहरूले सहरको लन्चघाट क्षेत्रमा रहेको जुलाई स्मारकमा समेत ...
सन् २०२३ अक्टोबर ७ मा इजरायलमाथि भएको आक्रमणको योजना बनाउन र त्यसमा सहभागी हुन भूमिका खेलेका हमासका एक वरिष्ठ नेता इजरायली हवाई आक्रमणमा मारिएका छन् । हमासको सैन्य संगठन अल कासम ब्रिगेडका अनुसार रफाह ब्रिगेडका नवनियुक्त कमान्डर समिर अबु युनिस शनिबार दक्षिणी गाजापट्टीको अल मवासी क्षेत्रमा मारिएका हुन् । हमासका एक स्थानीय अधिकारीले युनिसको मृत्यु भएको पुष्टि ...
: अमेरिकामा हवाई यातायात प्रणालीमा आएको प्राविधिक समस्याका कारण दुई दिन बितिसक्दा पनि हजारौँ उडान प्रभावित भएका छन् । आइतबार मात्रै अमेरिकाभर ५ हजारभन्दा बढी उडान ढिलाइ भएका छन् भने २ हजारभन्दा बढी उडान रद्द भएका छन् । अमेरिकी यातायातमन्त्री सीन डफीले उडान सेवा पूर्ण रूपमा सामान्य अवस्थामा फर्किन सोमबारसम्म लाग्न सक्ने बिबिसिले जनाएको छ । ...
। इलन मस्कको अन्तरिक्ष कम्पनी स्पेसएक्सको सबैभन्दा शक्तिशाली रकेट स्टारसिप १५ ले आजसम्म कुनै रकेटले गर्न नसकेको काम गरेको छ। १४ नोभेम्बरमा स्टारबेसबाट उडेको उक्त रकेटदे अन्तरिक्षको कक्षमा पुगेर २६ वटा स्टारलिङ्क भी३ भूउपग्रहहरूलाई तैनाथ गरेको छ। यसले पृथ्वीको १४ फन्को लगायो र करिब २२ घण्टासम्म पृथ्वीको कक्षमा रह्यो। १५ नोभेम्बरमा फर्किएर यो रकेट त्यही टावरमा ओर्लियो, ...