: नवलपरासी (बर्दघाट सुस्ता पश्चिम) स्थित कारागारबाट भागेका एक कैदी पक्राउ परेका छन्।
जेन्जी आन्दोलनमा कारागारबाट फरार रहेका बर्दघाट नगरपालिका वडा नं. १६ केरावारीका २७ वर्षीय अमृत नेपालीलाई प्रहरीले पक्राउ गरेको प्रहरी नायब उपरीक्षक मदन थापाले जानकारी दिए।
जबरजस्ती करणी मुद्दामा अदालतबाट ८ वर्ष कैद र ३ लाख रुपैयाँ जरिवानाको फैसला भई कारागार कार्यालय नवलपरासी (ब.सु.पश्चिम) मा कैद भुक्तान गरिरहेका उनी गत २०८२ भदौ २४ गते जेन्जी आन्दोलनका क्रममा कारागारबाट भागेर फरार भएका थिए।
प्रहरी टोलीले खोजतलासका क्रममा मंगलबार उनलाई आफ्नै घरबाटै फेला पारी पक्राउ गरेको हो। प्रहरी नायब उपरीक्षक थापाका अनुसार पक्राउ परेका नेपालीलाई बाँकी कैद भुक्तानीका लागि पुनः कारागार कार्यालय नवलपरासी पठाइएको छ।
