: मदन भण्डारी लोकमार्गअन्तर्गत उदयपुरको त्रियुगा नगरपालिका–१३ बहेर्वा चोकमा माइक्रो बस दुर्घटना हुँदा चालकसहित १० जना घाइते भएका छन्।
बेल्टारबाट गाईघाटतर्फ आउँदै गरेको प्र.१-०२-००१ ज ४६२१ नम्बरको माइक्रो बस आज दिउँसो १२:४० बजेको समयमा अचानक अनियन्त्रित भई सडकबाट अन्दाजी १५ मिटर तल खसेर दुर्घटना भएको हो।
प्रहरीका अनुसार दुर्घटना भएको गाडीमा चालकसहित जम्मा ११ जना सवार रहेका थिए, जसमध्ये १० जना घाइते भएका छन्।
घाइते हुनेहरू
कृष्ण के.सी. (चालक, वर्ष ४२, काठमाडौँ महानगरपालिका–३२)
रेणुका प्रसाई (वर्ष ४०, झापा सुरुङ्गा नगरपालिका–३)
नैन प्रसाई (वर्ष १४, रेणुकाका छोरा)
निल कुमारी लम्साल (वर्ष ५०, मोरङ उर्लाबारी नगरपालिका–३)
मुना ढकाल (वर्ष ४३, सुनसरी इटहरी उपमहानगरपालिका–१२)
प्रबिन तामाङ (वर्ष ३८, उदयपुर बेलका नगरपालिका–१)
अमृत बहादुर खड्का (वर्ष ७०, मोरङ सुन्दरहरैँचा नगरपालिका–४)
रन्जिता गौतम (वर्ष ३७, सुनसरी इटहरी उपमहानगरपालिका–८)
जमुना परियार बि.क. (वर्ष २५, उदयपुर चौदण्डीगढी नगरपालिका–१०)
अंकित बि.क. (वर्ष ९, जमुनाका छोरा)
बसमा सवार रहेका व्यक्तिहरूमध्ये झापा सुरुङ्गा नगरपालिका–३ की रेणुका प्रसाईकी १० वर्षीया छोरी निरुसा प्रसाई भने सकुशल रहेको प्रहरीले जनाएको छ।
