मुख्य समाचार
काठमाडौं महानगरपालिकाले महानगरको विभिन्न क्षेत्रमा फूल तथा माला बिक्रीका लागि स्थान तोकिएको छ
काठमाडौं महानगरपालिकाले महानगरको विभिन्न क्षेत्रमा फूल तथा माला बिक्रीका लागि स्थान तोकिएको छ

: आउँदै गरेको दीपावली पर्वका लागि काठमाडौं महानगरपालिकाले महानगरको विभिन्न क्षेत्रमा फूल तथा माला बिक्रीका लागि स्थान तोकिएको छ।

महानगरले प्लास्टिकजन्य फूल, फूलको माला तथा सजावटका विभिन्न सामाग्री बिक्री वितरणमा रोक गर्नुका साथै स्वदेशी फूल र मालाको बिक्री वितरणलाई प्राथमिकता दिन आग्रह गरेको छ। यदि उल्लंघन गरेको पाइएकोमा सामान जफत गर्ने सूचनाले जानकारी गरेको छ। नेपाली किसानहरूले उत्पादन गरेको फूल, मालाहरू सरोकारवाला निकायहरूसँगको समन्वयमा महानगर प्रहरी बलले बिक्री वितरणका लागि ३३ वटा स्थानहरू तोकिएको छ। नयाँ बानेश्वरको एनबी सेन्टर, शंखमूलको बिग मार्ट, नयाँबानेश्वरको आई प्लेक्स मल, मध्यबानेश्वरको सेल्सबेरी, बत्तीसपुतलीको फोनेक्स, तीनकुनेको तीनकुने चौर, सिफलको सिफल चौर, चाबहिलको एसी कम्लेक्स, चाबहिल गणेशस्थान तरकारी बजार र केएल टावर अगाडि रहेको छ।
यसैगरी धर्मचक्र पार्क, कालीमाटी बैंक्युट, द्यौखेल, कलंकीको भाटभटेनी, नयाँबजारको भ्याली कोल्ड स्टोर, माछापोखरीको बुद्धमहल र गुणस्तर खाल्डो, हाँडीगाउँको ५ वडा अगाडिको डबली र गणेश मन्दिर डबली, सामाखुसी २६ वडाको कोइराला स्माट, महाराजगन्जको सेल्सबेरी, गोंगबु, चप्पल कारखाना र बालुवाटारमा रहेको बिगमार्ट छ।

साथै कमलादीको आईटी भवन, पुतलीसडकको स्टार मल, अनामनगरको भाटभटेनी, टेबहाल मन्दिर परिसर, सुन्धाराको काठमाडौं मल, न्यु प्लाजा बज्र कम्प्लेक्सको गुड मार्ट, लगन, जैशीदेवल र भृकुटीमण्डपमा स्थान तोकिएको छ।

काठमाडौं महानगरपालिकाका प्रवक्ता नवीन मानन्धरका अनुसार गत तीन वर्षदेखि काठमाडौं नगरमा व्यवस्थित रूपमा व्यवसाय गर्न र फूल तथा माला खरिद गर्न सहज हुने उद्देश्य लिई विभिन्न स्थान तोकिएको हो। उनले भने, ‘पहिले एकै ठाउँमा बेच्ने भएकाले फूल व्यापारीलाई बेच्न पनि गाह्रो हुने र उपभोक्ता पनि हतारमा हुने कारणले, ठाउँठाउँमा बेच्यो भने व्यापारी र उपभोक्ता दुवैलाई सहज हुन्छ भनेर यसरी स्थान तोकिएको हो।’ प्रवक्ता मानन्धरले स्वदेशी फूललाई प्राथमिकता दिनका लागि बाहिरबाट आउने फूललाई नेपाली प्रहरीले रोक्ने काम गरेको हुनाले काठमाडौँमा आएको जति सबै स्वदेशी रहने बताए। अनि उक्त स्थानहरूमा आइतबारदेखि नै व्यवसायी गर्न सकिने बताए।

यसैगरी महानगरका वातावरण व्यवस्थापन विभागले पनि छुट्टै सूचना जारी गर्दै प्लास्टिकका फूलगुच्छा तथा मालालाई प्रतिबन्ध गरेको छ। सूचनाले वातावरण संरक्षण ऐन, २०७६ को दफा १५ को उपदफा (६) को जिकिर गर्दै प्लास्टिकजन्य माला तथा पुष्पगुच्छाको उत्पादन, आयात, बिक्री वितरण वा भण्डारणमा रोक भएको र काठमाडौं महानगरले पनि निषेध गरेको बताए। विभागले आउँदै गरेको तिहारलाई लक्षित गरी आयात हुने प्लास्टिकजन्य फूलगुच्छा तथा मालाको प्रयोगबाट वातावरणलाई हुने क्षति कम गरी स्वदेशी फूल तथा मालाको बिक्री वितरण तथा प्रयोगलाई प्राथमिकतामा राख्नुहुन सम्पूर्ण महानगरवासीमा अनुरोध गरेको छ।

र, अवज्ञा गरी पूर्णरूपमा रोक लगाइएका प्लास्टिकजन्य फूलगुच्छाको आयात, बिक्री वितरण तथा भण्डारण वा सजावटको लागि प्रयोग गरिएको पाईएमा सो सामाग्रीहरूको जफत हुने तथा कामपा वातावरण तथा प्राकृतिक स्रोत संरक्षण ऐन, २०७७ र प्रचलित आर्थिक ऐनबमोजिम कारबाही हुनेसमेत जानकारी गरेको छ।

प्रतिक्रिया दिनुहोस्
अन्य समाचारहरु
— मुलुकको प्रमुख व्यापारिक नाका वीरगन्जबाट खाद्यान्न आयातमा गिरावट आएको छ। चालु आर्थिक वर्ष २०८३/८४ को पहिलो तीन महिना (साउन–असोज) मा यो नाका हुँदै आयात हुने चामल, मकै, धान, माल्ट तथा अन्य खाद्यान्नको परिमाण घटेको छ। अघिल्लो वर्षको सोही अवधिमा गहुँ आयात नभएकोमा यस वर्ष भने उल्लेख्य परिमाणमा गहुँ भित्रिएको छ। वीरगन्ज भन्सार कार्यालयको तथ्यांकअनुसार, चालु ...
: अर्थ समितिका सभापति डा. कृष्णहरि बुढाथोकीले स्वास्थ्य क्षेत्रको सुधारका लागि अन्तर्राष्ट्रिय सहयोग महत्त्वपूर्ण रहेको बताएका छन्। इन्डोनेसियाको बालीमा आयोजित एसियाली संसदीय स्वास्थ्य तथा अर्थ समिति सभापतिहरूको बैठकमा नेपालको तर्फबाट प्रतिनिधित्व गर्दै बुढाथोकीले नेपालको स्वास्थ्य प्रणालीका चुनौती, सुधारका सम्भावना र आवश्यक नीतिगत प्राथमिकताबारे धारणा राखेका थिए। उनले नेपालको तर्फबाट स्वास्थ्य क्षेत्रको दिगो वित्तपोषण, नीतिगत सुधार, सुशासन, ...
: अर्थमन्त्री डा. स्वर्णिम वाग्लेले भोटेकोशी बाढीप्रभावित क्षेत्रमा राहत, पुनर्निर्माण र पुनरुत्थानका लागि बजेटको अभाव हुन नदिने बताएका छन्। शुक्रबार बसेको प्रतिनिधि सभाअन्तर्गतको हिमालमा जलवायु परिवर्तनको प्रभाव, जलवायु न्याय तथा भोटेकोशी-त्रिशूली विपद्सम्बन्धी संसदीय विशेष समितिको बैठकमा मन्त्री वाग्लेले भोटेकोशी बाढीबाट २ दशमलव ७ देखि २ दशमलव ८ बिलियन डलरको क्षति देखिएको जानकारी दिए। पुनर्निर्माणका लागि करिब ...
। चालु आर्थिक वर्ष २०८३/८४ पहिलो तीन महिना (साउन-असोज) को बजेट कार्यान्वयनमा मिश्रित नतिजा देखिएको छ । अर्थ मन्त्रालयका अनुसार पहिलो त्रैमासिक अवधिमा सरकारले राजस्व संकलन गत आव सोही अवधिको तुलनामा उल्लेख्य बढाउन सफल देखिन्छ । तर, खर्चमा पुरानै प्रवृत्ति हाबी भयो । भएको खर्चमा पनि पूँजीगतभन्दा बढी चालु र ऋण भुक्तानी सेवामा अधिक खर्च भएको ...
: तिहार तथा धनतेरसलाई लक्षित गर्दै नेपाल राष्ट्र बैंकले सुनको असर्फी तथा चाँदीका मेडालियन आजबाट बिक्री सुरु गरेको छ। राष्ट्र बैंकको टक्सार महाशाखा, बबरमहलबाट कात्तिक १९ र २० गते सर्वसाधारणका लागि सुनको असर्फी तथा चाँदीका मेडालियन बिक्री गर्न लागेको हो। राष्ट्र बैंकले कात्तिक १८ गते सूचना जारी गर्दै दुवै दिन बिहान ११ बजेदेखि दिउँसो ३ बजेसम्म ...