मुख्य समाचार
सरकारको कार्यशैली, सुशासन, मानव अधिकार, प्रहरी प्रशासनको दुरुपयोग र न्यायालयको निष्पक्षतामाथि प्रश्न
सरकारको कार्यशैली, सुशासन, मानव अधिकार, प्रहरी प्रशासनको दुरुपयोग र न्यायालयको निष्पक्षतामाथि प्रश्न

। नेपाली कम्युनिस्ट पार्टी (नेकपा)ले सरकारको कार्यशैली, सुशासन, मानव अधिकार, प्रहरी प्रशासनको दुरुपयोग र न्यायालयको निष्पक्षतामाथि प्रश्न उठाएको छ ।

प्रतिनिधिसभा अन्तर्गतको कानुन, न्याय तथा मानव अधिकार समितिमा पार्टीको तर्फबाट बोल्दै नेकपा सांसद बलावती शर्माले पत्रकारदेखि न्यायाधीशसम्म त्रसित रहेको र सरकार कहाँबाट सञ्चालित छ ? भनेर प्रश्न गरिन् ।
त्यस क्रममा उनले विभिन्न १० वटा विषय उठाइन् ।

पहिलो- सरकारको सुशासन र पारदर्शितामाथि उनको प्रश्न छ । सुशासन, पारदर्शिता र जवाफदेहिताको जगमा बनेको भनिएको सरकारले ६–८ महिनामै रहस्यमय ढङ्गले राज्य सञ्चालन गर्न थालेको भन्दै शर्माले प्रश्न उठाइन् । सरकारका निर्णय र कामकारबाही पारदर्शी नभएको उनको आरोप छ ।


दोस्रो- नागरिकमा त्रास : पत्रकार, निजी क्षेत्र, व्यवसायी, कर्मचारी, प्रहरी प्रशासन, राजनीतिक दलका नेता र न्यायालयसम्म त्रसित हुने अवस्था सिर्जना भएको भन्दै उनले यसलाई राज्य आतङ्कको संज्ञा दिइन् ।

तेस्रो- सञ्चार माध्यममाथि प्रहरी हस्तक्षेप : प्रहरीले न्युज च्यानलभित्र प्रवेश गरी हस्तक्षेप गर्ने र सरकारले आफूलाई थाहा नभएको बताउने प्रवृत्तिमाथि नेकपा नेता शर्माले प्रश्न उठाइन् । प्रहरीलाई कसले आदेश दियो भन्ने जवाफ मागिन् ।

चौथो- प्रहरी प्रशासनमा राजनीतिक हस्तक्षेप : प्रहरी नेतृत्व परिवर्तन र प्रहरी प्रशासनमाथि भइरहेको दबाबबारे पनि उनले प्रश्न उठाइन् । प्रहरीलाई राज्यको सेवा गर्ने निकायभन्दा पनि त्रास सिर्जना गर्ने माध्यम बनाइएको उनको भनाइ थियो ।

पाँचौं- कर्मचारीतन्त्रमा असुरक्षा र अस्थिरता : कर्मचारीलाई जुनसुकै बेला हटाउन वा नियुक्त गर्न सकिने अवस्था सिर्जना भएको भन्दै उनले कर्मचारीमा त्रास रहेको बताइन् । ५३ र ५५ सम्बन्धी व्यवस्थाको प्रसङ्ग पनि उठाइन्।

छैटौं- निजी क्षेत्र र व्यवसायीमा त्रास : निजी क्षेत्र र व्यवसायीसमेत सरकारको कार्यशैलीका कारण त्रसित रहेको उल्लेख गरिन् । राज्यका निकाय प्रयोग गरेर व्यवसायीलाई नियन्त्रणमा लिने र थुन्ने प्रवृत्तिमाथि प्रश्न उठाइन् ।

सातौं- सरकारी अधिकारीमाथि प्रहरी कारबाही र व्यक्तिगत स्वतन्त्रता : सिँचाइ तथा सुनकोशी मरिण डाइभर्सन आयोजनाका प्रमुखलाई प्रधानमन्त्री कार्यालयमा बोलाएर सोधपुछ गर्न सकिने अवस्थामा प्रहरी लगाएर पक्राउ गरी दुई–दुई दिन थुनिएको भन्दै शर्माले आपत्ति जनाइन् ।

गल्ती गरेको भए पनि कानुनी प्रक्रियाभित्र रहेर कारबाही हुनुपर्ने उनको भनाइ थियो ।

आठौं- उनले इनाम सापकोटा प्रकरण र अडियो सार्वजनिक भएको विषय उठाइन् । ३० वर्षे युवा इनाम सापकोटा प्रकरणमा उठेका प्रश्नबारे उनले सरकारसँग जवाफ मागिन् ।

‘थुनामा रहेको व्यक्तिको बयान वा अडियो कसरी सार्वजनिक भयो ?,’ उनको प्रश्न छ, ‘कसले अडियो सार्वजनिक गर्‍यो ? यसको जवाफदेहिता कसले लिने ?’ प्रधानमन्त्रीका सल्लाहकारको घरमा इनाम सापकोटाको मोबाइल भेटिएको र म्यासेज डिलिट गरिएको भन्ने विवरणको वास्तविकता के हो ?’

मन्त्रीहरूसँग सार्वजनिक भएका तस्वीर र सम्बन्धबारे सरकारले के स्पष्ट पार्छ भनेर कुरिरहेको शर्माले बताइन् ।

नवौं- सर्वोच्च अदालत र न्यायाधीशमाथि उठेका प्रश्नको निष्पक्ष छानबिनको मागसमेत शर्माले गरिन् ।

प्रधानन्यायाधीशदेखि न्यायाधीशसम्म उठेका प्रश्नको निष्पक्ष छानबिन हुनुपर्ने उनको भनाइ थियो । दोषी देखिए कारबाही हुनुपर्ने तर छानबिनका नाममा कसैलाई विस्थापित गर्ने वा सबैलाई एउटै डालोमा राखेर आरोपित गर्ने काम हुन नहुने उनले बताइन् ।

सर्वोच्च अदालतको फुल कोर्टले कानुनबमोजिम छानबिन गर्न गरेको निर्णयमा छानबिन गर्ने निकाय कुन हो भन्ने प्रश्नसमेत उनले उठाइन् ।

दशौं- बलावती शर्माले महाभियोग प्रक्रिया र सरकार सञ्चालनबारे आशंका गरिन् । न्यायाधीशमाथि महाभियोगको प्रसङ्ग र प्रतिनिधिसभाबाट हुनसक्ने छानबिनबारे चर्चा गर्दै निष्पक्ष प्रक्रिया अपनाउनुपर्ने बताइन् ।

उनले ‘सरकार नेपाली जनताले सञ्चालन गरिरहेको छ कि कतैबाट सञ्चालित छ’ भन्ने प्रश्न गरिन् ।

सरकारको नाममा राज्यका निकाय प्रयोग गरेर नागरिक, सञ्चार माध्यम, कर्मचारी र निजी क्षेत्रलाई त्रसित बनाउने काम बन्द हुनुपर्ने उनको माग छ ।

इनाम सापकोटा प्रकरण र न्यायालयमाथि उठेका प्रश्नको निष्पक्ष छानबिन हुनुपर्ने र सरकारका निर्णय, गतिविधि र राज्य सञ्चालनको प्रक्रियामा पारदर्शिता तथा जवाफदेहिता हुनुपर्ने उनले आग्रह गरिन् ।

प्रतिक्रिया दिनुहोस्
अन्य समाचारहरु
। यस वर्षको लक्ष्मीपूजाको दिन आइतबार विद्युत् प्रणालीमा एक हजार ८१३ मेगावाट विद्युत् माग पुगेको छ । नेपाल विद्युत् प्राधिकरणका अनुसार लक्ष्मीपूजाको दिन अहिले साँझ ६ बजेर १५ मिनेटमा राष्ट्रिय विद्युत् प्रणालीको उच्चतम माग (पिक लोड) १ हजार ८१३ मेगावाट पुगेको हो । उक्त समयमा देशभित्रको कुल विद्युत् उत्पादन २ हजार ४००.३० मेगावाट रहेको थियो । आन्तरिक ...
। शिक्षा मन्त्रालयले विद्यालयको जग्गा संरक्षण र स्वामित्व सुनिश्चित गर्न विवरण संकलन सुरु गरेको छ । शिक्षा विभागले देशैभरका सामुदायिक विद्यालयहरूको जग्गा व्यवस्थापनको कार्यलाई अभियानकै रूपमा अगाडि बढाएको हो । शिक्षा विभाग (शैक्षिक सूचना व्यवस्थापन शाखा) ले सबै शिक्षा विकास तथा समन्वय एकाइहरूलाई पत्र पठाउँदै सामुदायिक विद्यालयहरूले चर्चेको सम्पूर्ण जग्गाको विवरण अद्यावधिक गरी एकीकृत शैक्षिक सूचना ...
। नेपाली कांग्रेसका नेता प्रकाशमान सिंहले संगठन विस्तारका लागि नेताको निकटता भन्दा पनि जनतासँगको प्रत्यक्ष सरोकार र सक्रियता मुख्य भएको बताएका छन् । काठमाडौंमा आयोजित नेपाली कांग्रेसको जिल्ला कार्यसमितिको १५ औं नियमित अधिवेशनलाई सम्बोधन गर्दै उनले राजधानी केन्द्रित राजनीति गर्ने र जिल्लाको ठेक्का लिने प्रवृत्तिले पार्टीलाई बलियो नबनाउने स्पष्ट पारे । नेता सिंहले संगठनको आधारस्तम्भ नै स्थानीय ...
। कर्णाली प्रदेशमा हुने दशौं राष्ट्रिय खेलकुदका खेलहरू मंसिर ८ गतेदेखि सञ्चालन हुने भएका छन् । दशौं राष्ट्रिय खेलकुदको प्राविधिक समितिबाट अनुमोदन भएको तालिकाअनुसार मंसिर ८ गतेबाट ६ खेलको प्रतिस्पर्धा सुरू हुनेछन् । जसमा पुरुष/महिला क्रिकेट, पुरुष फुटबल, पुरुष/महिला ह्यान्डबल, महिला बास्केटबल, टेनिस र पौडी छन् । दशौं खेलकुदका ३२ मध्ये २३ खेल सुर्खेतमा हुने तय भएको ...
। नेपाली कांग्रेसको देउवा समूहका नेता प्रकाशमान सिंहले १४औं महाधिवेशनबाट निर्वाचित सभापति शेरबहादुर देउवा नै पार्टीको आधिकारिक सभापति रहेको दाबी गरेका छन् । देउवा समूहले शनिबार आयोजना गरेको काठमाडौं जिल्ला अधिवेशनको उद्घाटन समारोहमा उनले देउवा नै पार्टीको आधिकारिक सभापति रहेको दाबी गरेका हुन् । देउवाले राजीनामा नदिएको अवस्थामा विशेष महाधिवेशनबाट नयाँ नेतृत्व चयन गर्ने र कार्यसमिति नै ...