। सञ्चार तथा सूचना प्रविधिमन्त्री विक्रम तिमल्सिनाले सांसद खगेन्द्र सुनारको विवादास्पद अडियो प्रकरणमा सरकारले आवश्यक परेको बेलामा अनुसन्धान गर्ने सक्ने बताएका छन् ।
मन्त्रिपरिषद् बैठकको निर्णय सुनाउने क्रममा शुक्रबार सञ्चारकर्मीहरूले सोधेको प्रश्नमा उनले यस्तो धारणा राखेका हुन् ।
‘सरकारले कुनै पनि मुद्दालाई दबाउन खोज्ने कुरा हुँदैन। आवश्यक पर्दाखेरि अनुसन्धान गरेर विधिसम्मत रूपमा कसरी अगाडि बढाउनुपर्छ, त्यसअनुसार प्रक्रिया अघि बढ्छ,’ उनले भने।
सञ्चारकर्मीहरूले अडियो प्रकरणमा सरकारले छानबिन नगरी किन दबाउन खोजेको भन्दै प्रश्न गरेका थिए । उक्त प्रश्नको जवाफ दिनेक्रममा मन्त्री तिमल्सिनाले यस्तो जवाफ दिएका हुन् । ‘
‘सरकारले कुनैपनि मुद्दालाई दबाउन खोज्ने कुरा हुँदैन सरकारले आवश्यक पर्दाखेरि अनुसन्धान गरेर यसलाई विधिगत रुपमा कसरी अगाडि बढाउनु पर्छ । तपाईले कुन प्रमाणको आधारमा कुन तथ्यको आधारमा आधारमा चाहिँ दबाउन खोजेको भन्नुभयो सरकारको त्यस्तो कुनै नियत छैन त्यस्तो हुनुहुँदैन आवश्यक सबै प्रक्रिया अगाडि बढ्छ’ मन्त्री तिमल्सिनाले भने ।
सांसद सुनारले महिला हिंसा गरेको भन्ने अडियो सार्वजनिक भएको छ । उक्त अडियोमाथि रास्वापले छानबिन गरिरहेको छ । तर सरकारले भने यसमा चासो दिएको छैन ।
