: झापाको मेचीनगरमा मोटरसाइकल दुर्घटना हुँदा एक युवकको मृत्यु भएको छ। मृत्यु हुनेमा मेचीनगर नगरपालिका–१२, सहरेडाँगी निवासी अन्दाजी २७ वर्षीय तिलकुमार पुरी रहेको जिल्ला प्रहरी कार्यालय झापाले जनाएको छ ।
प्रहरीका अनुसार गएराति करिब ९ः३० बजे मेचीनगर नगरपालिका-११ मखन मिलस्थित भित्री कच्ची सडक खण्डमा तल्लो धाइजनबाट माथिल्लो धाइजनतर्फ जाँदै गरेको मे ८ प १३२१ नम्बरको मोटरसाइकल आफै अनियन्त्रित भई दुर्घटना थियो ।
दुर्घटनामा चालक पुरीको टाउकोमा गम्भीर चोट लागेको थियो । उनलाई उपचारका लागि प्रादेशिक अस्पताल भद्रपुर लगिएको र उपचारकै क्रममा राति करिब १०ः३० बजे मृत्यु भएको प्रहरीले जनाएको छ।
प्रहरीको प्रारम्भिक अनुसन्धानअनुसार मोटरसाइकल तीव्र गतिमा रहेका कारण दुर्घटना भएको हुन सक्ने देखिएको छ। घटनाबारे थप अनुसन्धान भइरहेको प्रहरीले जनाएको छ।
