: बिमस्टेक गृहमन्त्रीस्तरीय प्रथम बैठकमा सहभागी हुन सोमबार भारत गएका गृहमन्त्री सुधन गुरुङ र भारतीय समकक्षी अमित शाहबीच भेटवार्ता भएको छ।
भारतीय गृहमन्त्री शाहले भेटबारे सामाजिक सञ्जाल फेसबुकमार्फत जानकारी गराएका छन्। भेटले भारत र नेपालबीचको घनिष्ठ सम्बन्धलाई अझ सुदृढ बनाउने र द्विपक्षीय सहयोगलाई गहिरो बनाउने प्रतिबद्धतालाई पुष्टि गरेको उनले उल्लेख गरेका छन्।
‘नेपालका गृहमन्त्री सुधन गुरुङसँग भेटघाट गर्न पाउँदा खुसी लाग्यो। यस क्षेत्रमा शान्ति, प्रगति र समृद्धिका लागि भारत र नेपालबीचको घनिष्ठ सम्बन्धलाई अझ सुदृढ बनाउने तथा द्विपक्षीय सहयोगलाई अझ गहिरो बनाउने हाम्रो प्रतिबद्धतालाई हामीले पुनः पुष्टि गर्यौं,’ शाहले लेखेका छन्।
