: विभिन्न देशका लागि प्रस्तावित १३ जना राजदूतको संसदीय सुनुवाइ प्रक्रिया सुरू भएको छ। सिंहदरबारस्थित सार्वजनिक लेखा समितिको सभाकक्षमा प्रस्तावित राजदूतहरूविरुद्ध परेका उजुरीमाथि छलफल भइरहेको समिति सचिवालयका सहसचिव (कानुन) लक्ष्मीप्रसाद गौतमले जानकारी दिए। गौतमका अनुसार आजको बैठकमा प्रस्तावित १३ जना राजदूतमध्ये चारजनाको संसदीय सुनुवाइ भइरहेको हो।
बैठकमा प्रस्तावित राजदूतहरूविरुद्ध परेका उजुरीमाथि छलफल भइरहेको छ। बैठकमा उजुरीकर्ताहरूलाई समेत बोलाएर छलफल गर्ने कार्यसूची रहेको छ।
सुनुवाइका लागि भारतका लागि प्रस्तावित डा.निश्चलनाथ पाण्डे,चीनका लागि प्रस्तावित कल्याणराज शर्मा,अमेरिकाका लागि प्रस्तावित चिरञ्जीव थापा र संयुक्त अधिराज्यका लागि प्रस्तावित गौरवशमशेर जबरालाई समितिमा बोलाइएको छ।
सरकारले भारतका लागि पाण्डे,चीनका लागि शर्मा,अमेरिकाका लागि थापा र संयुक्त अधिराज्यका लागि जबरालाई राजदूतमा सिफारिस गरेको हो। गत असोज २ गते बसेको मन्त्रिपरिषद् बैठकले विभिन्न १३ देशका लागि राजदूत सिफारिस गर्ने निर्णय गरेको थियो। उनीहरूविरुद्ध ७ उजुरी परेका छन्।
प्रस्तावित राजदूतहरू
१. डा. निश्चलनाथ पाण्डे, भारत
२. डा. कल्याणराज शर्मा, चीन
३. चिरनजंग थापा, संयुक्त राज्य अमेरिका
४. पूर्वप्रधानसेनापति गौरव शम्शेर जंगबहादुर राणा, बेलायत
५. जिग्यान कुमार थापा, जापान
६. सुरेशकुमार कर्ण, इजरायल
७. प्राप्ति शेरचन, स्पेन
८. सरू जोशी, जर्मनी
९. डा. पद्माक्षी राणा, ओमान
१०. चूडामणि खरेल, मलेसिया
११. प्रा. डा. सङ्गम श्रेष्ठ, दक्षिण कोरिया
१२. डा. मंचल झा, श्रीलंका
१३. गिरीबहादुर सुनार, साउदी अरेबिया
