। अमेरिकाका लागि प्रस्तावित राजदूत चिरनजंग थापासँग सोमबार संसदीय सुनुवाइ भएको छ ।
सुनुवाइका क्रममा सांसदहरूले नेपाल र अमेरिकी सम्बन्ध र यसबारेका चासोका विषय उठाएका छन् ।
रास्वपाका सांसद मधुकुमार चौलागाईंले प्रस्तावित राजदूत थापा राष्ट्रिय सुरक्षा र अन्तर्राष्ट्रिय मामिला विज्ञ भएको बताए । एनजीओ र आईएनजीओमा समेत काम गरेको स्मरण गराए ।
‘कतै स्वार्थको द्वन्द हुन्छ कि ?’ भन्दै उनले प्रश्न गरे, ‘त्यस्तोमा के गर्नुहुन्छ ?’
उनले थप भने, ‘नेपालको कोर राष्ट्रिय स्वार्थमा काम गर्नुहुन्छ ? काम गर्नुहुन्छ भनेर कसरी विश्वास गर्ने ?’ प्रस्तावित राजदूत थापासँग सुरक्षा नीति, संकट व्यवस्थापन र कूटनीतिमा दुई दशकको अनुभव छ ।
थापाले कोलम्बिया विश्वविद्यालयको ‘अन्तर्राष्ट्रिय तथा सार्वजनिक मामिला स्कुल’ बाट पूर्ण प्राज्ञिक छात्रवृत्तिसहित अन्तर्राष्ट्रिय मामिलामा स्नातकोत्तर र अमेरिकाको जेनेसियो विश्वविद्यालयबाट अन्तर्राष्ट्रिय सम्बन्धमा स्नातक गरेका छन् ।
सन् २०१७ देखि उनले अक्सफाममा एसियाका लागि क्षेत्रीय सुरक्षा सल्लाहकारका रूपमा १५ देशमा जोखिम र संकट व्यवस्थापनको नेतृत्व गर्दै आएका छन् ।
उनी हाभर्ड केनेडी स्कुलको ‘आन्तरिक सुरक्षा नेतृत्व’ कार्यक्रम पूरा गर्ने पहिलो गैरसैनिक नेपाली र दुई पटक प्रधानसेनापति प्रशंसापत्र प्राप्त गर्ने पहिलो व्यक्ति हुन् ।
उनले गर्ने काम कस्तो हुन्छ ? भनेर सांसदहरूले प्रश्न गरेका हुन् ।
