: नेपाली कांग्रेसको उपसभापतिमा निर्वाचित भएपछि डा. चन्द्रकान्त भण्डारीले आफूलाई विश्वास गरेर अमूल्य मत दिने महाधिवेशन प्रतिनिधिको विश्वासको शिर कहिल्यै नझुक्ने बताएका छन्।
महाधिवेशन प्रतिनिधि तथा शुभेच्छुकहरूप्रति आभार व्यक्त गर्दै उनले म नभई हामी भन्ने भावनाले अगाडि बढ्ने बताए।
‘म प्रतिबद्ध छु, तपाईंहरूले मप्रति गर्नुभएको विश्वासको शिर कहिल्यै झुक्ने छैन,’ भण्डारीले भनेका छन्,‘सधैँ ‘म’ होइन, ‘हामी’ र ‘हाम्रो’ भन्ने भावनाका साथ अघि बढ्नेछु।’
उनले आफ्नो निर्वाचनमा साथ र समर्थन दिने सबैप्रति हार्दिक आभार व्यक्त गरे। भण्डारी ३७३५ मत प्राप्त गर्दै १५ औँ महाधिवेशनमार्गत कांग्रेस खुला उपसभापति निर्वाचित बनेका हुन्। उनीसँगै ई. मधु आचार्यले २३४२ मत ल्याउँदै विजयी भए।
