मुख्य समाचार
विश्वकप टिकटदेखि खेल सामग्री खरिदसम्म अनियमितता
विश्वकप टिकटदेखि खेल सामग्री खरिदसम्म अनियमितता

। नेपाल प्रहरीको केन्द्रीय अनुसन्धान ब्यूरो (सीआईबी) ले फिफा विश्वकप २०२६ छनोट अन्तर्गत नेपाल र बहराइनबीचको अन्तर्राष्ट्रिय खेलमा अखिल नेपाल फुटबल संघ एन्फा नेतृत्व मिलेमतो तथा अनियमिता गरेको निष्कर्ष निकालेको छ ।

सीआईबीले गरेको अनुसन्धानले दशरथ रंगशालालाई अन्तर्राष्ट्रिय मान्यताबाट अयोग्य बनाउन एन्फा नै लागेका निष्कर्ष निकालेको हो । विश्वकप छनोटको यमनसँगको खेलपछि बहराइनसँग खेल हुन करिब ५ महिनाको समय बाँकी थियो ।

त्यसबीचमा एन्फाले गैर–अन्तर्राष्ट्रिय कार्यक्रमहरू सञ्चालन गराई खेल मैदानको घाँसे मैदानलाई अन्तर्राष्ट्रिय मापदण्ड विपरीत अयोग्य बनाउने वातावरण खडा गरेको सीआईबीको निष्कर्ष छ ।

खेल मैदानको प्राविधिक निरीक्षण गर्न एसियाली फुटबल महासंघ (एएफसी)का म्याच कमिस्नर मिन्डु दोर्जी नेपाल आउँदा एन्फा अध्यक्ष पंकजविक्रम नेम्बाङ र महासचिव किरण राईले उनलाई भेटेनन् ।

बरु कुनै तटस्थ मुलुक प्रस्ताव गर्न एएफसीले निर्देशन दिनुअघि नै एन्फा महासचिव राईले बहराइनमै गर्ने सम्झौता गरे । कुनै तटस्थ मुलुक प्रस्ताव गर्न एएफसीले ८ मार्च २०२४ मा स्पष्ट निर्देशन दिएको थियो ।

तर, त्यसको ४ दिनअघि नै एन्फा महासचिव राईले बहराइनमै गर्ने सम्झौता गरेका थिए । जसका लागि कार्यसमितिबाट निर्णय र खेलकुद मन्त्रालय तथा राखेपलाई जानकारी समेत दिएको थिएन । २३ खेलाडी र १७ पदाधिकारी बहराइन गए । विदेश भ्रमणको स्वीकृतसमेत नलिएको सीआईबीको प्रतिवेदनमा उल्लेख छ ।

प्रतिस्पर्धी मुलुकसँग मिलेमतो गरी नेपाललाई हराउने र बहराइनलाई जिताउने एन्फाको प्रतिनिधिहरुले खेल खेलाएको भन्दै खेलकुद विकास ऐन २०७७ को दफा ३१ र दफा ३२ (ग) विपरित रहेको ठहर सिआईबीको ठहर छ ।

एन्फा महासचिव किरण राई र महराइन फुटबल संघका महासचिव रसिद अल जाबीबिच खेलवाफत टिकट विक्रि राजस्व स्वरुप बहराइनले २० हजार अमेरिकी डलर दिने सम्झौता भएको थियो । उक्त रकम संस्थाको खातामा गएको छैन । जसलाई कोषाध्यक्ष रवीन्द्र जोशीले आफुलाई थाहा नभएको वयान दिएका छन् ।

सोही खेलका लागि बहराइनका खेलाडी तथा पदाधिकारीहरुको हवाई टिकट खर्चवाफतको ३८ लाख ५८ हजार १९३ रुपैयाँ भने एन्फाको खातामा जम्मा भएको देखिन्छ । केल्मी ब्रान्डका खेल सामग्री खरिदमा संस्थालाई हानी नोक्सानी पुर्‍याएको सीआईबीको ठहर छ ।

१० लाखभन्दा माथिको खरिदका लागि अनिवार्य बोलपत्र प्रक्रिया अपनाउनुपर्ने व्यवस्था भएपनि त्यसलाई एन्फाले वेवास्ता गर्‍यो । कोटेशन पेस गर्ने कामारु ट्रेडिङ प्रालि, कामाख्या इंक प्रालि र उग्रतारा स्पोर्ट्स हब एउटै स्वामित्वअन्तर्गत रहेको राखेपले गठन गरेको उपसमितको प्रतिवेदनले ठहर गरेको छ ।

पछिल्ला साढे ३ वर्षमा एन्फाले करिब १४ देखि १५ करोड बराबरको खेल सामग्री खरिद गरेको देखिएको र सो सामग्री वितरणमा समेत गम्भीर अनियमितता गरेको तथ्य उक्त प्रतिवेदनले खुलाएको छ ।

फिफा विश्वकप २०२६ को टिकटहरुमासमेत एन्फाले अपचलन गरेको सीआईबीको निष्कर्ष छ । फिफाले विश्वकपका लागि एन्फालाई ३३० अनलाइन टिकट उपलब्ध गरेको थियो । जुन एन्फा मातहतका जिल्ला, प्रदेश, क्लब, रेफ्रि, प्रशिक्षक तथा खेलाडीलाइ वितरण गर्नुपर्ने थियो । सोही बमोजिम एन्फाले टिकट खरिदका लागि पत्राचार पनि गर्‍यो ।

तर, टिकट कुनकुन दररेटमा कसकसलाई विक्रि गरियो त्यसको विवरण एन्फासँग छैन । एन्फा सदस्य सरिला श्रेष्ठले आफ्नो नाम ४ टिकट लिई आफुले नचिनेको व्यक्तिलाई दिएको स्वीकार गरेकी छन् ।

शेर्पा आउटडुअरसँगको खेल सामग्री खरिद तथा प्रायोजन रकममा पनि अपचलन भएको सिआईबीको निष्कर्ष छ । एन्फा नेतृत्वको सांगठानिक आपराधिक सनसायसमेत देखिएको सीआईबीले जनाएको छ । मन्त्रालय र राखेपको अनुमतिविना राष्ट्रघाती सम्झौता गर्ने, विदेश भ्रमणको टोली लैजाने, कोटेशनमार्फत खरिद गराउने र संस्थाको हित प्रतिकुल हुने कार्यमा अध्यक्ष, महासचिव, लेखा अधिकृत र कोषाध्यक्षको भूमिका रहेको सिआईबीको प्रतिवेदनमा उल्लेख छ ।

जिल्ला सरकारी वकिल कार्यालय ललितपुरले अखिल नेपाल फुटबल संघ एन्फाका अध्यक्ष पंकजविक्रम नेम्बाङ, महासचिव किरण राई, कोषाध्यक्ष रविन्द्र जोशी र लेखा अधिकृत सञ्जीव पाण्डेलाई प्रतिवादी बनाएको छ ।

जिल्ला सरकारी वकिल कार्यालयले चारै जनालाई खेलकुद विकास ऐन २०७७ को दफा ३३ को (ग) तथा मुलुकी अपराध संहिता २०७४ को २४९ को उपदफा ३ क बमोजिम मागदाबी गर्दै जिल्ला अदालत ललितपुरमा मुद्दा दायर गरेको छ । कोषाध्यक्ष र लेखा अधिृकत सिआईबीको नियन्त्रणमा छन् ।

अध्यक्ष नेम्बाङ र राईलाई पक्राउका लागि अदालतबाट म्याद जारीका लागि पनि अनुरोध गरेको छ ।

प्रतिक्रिया दिनुहोस्
अन्य समाचारहरु
: नेपाल प्रिमियर लिग (एनपीएल) तेस्रो संस्करणको २२ औं खेलमा पोखरा एभेन्जर्सविरुद्ध विराटनगर किंग्सका कप्तान सन्दीप लामिछानेले ह्याट्रिक विकेट लिएका छन्। त्रिवि क्रिकेट मैदानमा आज सन्दीप पोखराविरुद्धको खेलमा चम्किएका हुन्। उनले १४.३, १४.४, १४.५ मा लगातार पोखराका ३ ब्याटरलाई पेभेलियन फर्काए। उनले १४.३ ओभरमा युवराज सम्रालाई क्याच गराउँदा १४.४ मा पोखराका कप्तान चमिका करुणारत्नेलाई एलबीडब्ल्यू ...
: नेपाल प्रिमियर लिग(एनपीएल) तेस्रो संस्करणको २२औं खेलमा विराटनगर किंग्ससँग ४ विकेटले पराजित हुँदा पोखरा एभेन्जर्स प्लेअफ समीकरणबाट बाहिरिएको हो। ६ खेलमा ५ हारसहित पोखरा बाहिरिँदा समान ६ खेल खेलेको विराटनगर किंग्सको भने यो तेस्रो जित हो। कीर्तिपुरस्थित त्रिवि क्रिकेट स्टेडियममा टस जितेर ब्याटिङ गरेको पोखरा १७.५ ओभरमा १३२ रन बनाउँदै अलआउट भएको थियो। पोखराले ...
: नेपाल प्रिमियर लिग(एनपीएल) तेस्रो संस्करणको २१औं खेलमा जनकपुर बोल्ट्स सुदूरपश्चिम रोयल्ससँग २७ रनले पराजित भएको छ। ‘लो स्कोरिङ’ खेलमा सुदूरपश्चिमले १२० को योगफल जोगाउन निकै राम्रो बलिङ गर्‍यो। यो सुदूरपश्चिमको चौथो जित हो। जनकपुरको भने यो चौथो हार हो। चौथो हार बेहोरेसँगै जनकपुरको प्लेअफ सम्भावना भने निकै झिनो बाँकी रहेको छ। त्रिवि क्रिकेट स्टेडियममा ...
: नेपाली यू-१९ महिला क्रिकेट टोलीले चीनमा आयोजित ‘बेल्ट एन्ड रोड सिरिज’ को उपाधि जितेको छ । हङकङसँगको अन्तिम खेल वर्षाका कारण रद्द भएपछि नेपाल अपराजित रहँदै च्याम्पियन बनेको हो । चार टोली सहभागी प्रतियोगितामा नेपालले खेलेका ६ मध्ये चार खेलमा जित निकाल्यो भने दुई खेल वर्षाका कारण नतिजाविहीन बने । नेपालले पहिलो खेलमा थाइल्यान्डलाई ७ विकेटले ...
। ओमानमा भइरहेको एसीसी यू-१९ एसिया कपमा नेपालले लगातार दोस्रो हार बेहोरेको छ । आइतबार भएको खेलमा नेपाल यूएईसँग ७ विकेटले पराजित भएको हो । नेपालले दिएको १५४ रनको लक्ष्य यूएईले ३४.४ ओभरमा ३ विकेटको क्षतिमा पूरा गर्‍यो । कप्तान अयान मिसबाहले अविजित रहेर ७५ रन बनाए । यायिन राइले ३२ तथा अहमद खुदादले २४ रन ...