प्रमुख निर्वाचन आयुक्तले आगामी दिनमा इन्टरनेट (विद्युतीय) मतदानको दिशामा अघि बढ्ने बताए

। प्रमुख निर्वाचन आयुक्त मानवहादुर कार्कीले आगामी दिनमा इन्टरनेट (विद्युतीय) मतदानको दिशामा अघि बढ्ने बताएका छन् ।

निर्वाचन आयोगको मंगलबार ‘इन्टरनेट मतदान प्रविधि तथा निर्वाचन व्यवस्थापनमा सूचना तथा सञ्चार प्रविधिको प्रयोगसम्बन्धी प्रस्तुतीकरण, प्रविधि प्रदर्शन तथा अन्तरक्रिया कार्यक्रम गरेको थियो ।

जसलाई सम्बोधन गर्दै प्रमुख निर्वाचन आयुक्त मानवहादुर कार्कीले यस्तो प्रतिबद्धता जनाएका हुन् ।

इन्टरनेट मतदान प्रणाली कार्यान्वयनका लागि आवश्यक प्रविधिगत तयारी, संस्थागत क्षमता विकास, साइबर सुरक्षा तथा सम्बन्धित निकायबीच प्रभावकारी समन्वय आवश्यक रहेको उनको भनाइ छ ।

उक्त कार्यक्रमलाई सम्बोधन गर्दै निर्वाचन आयुक्त डा. राजीव सुब्बाले इन्टरनेट मतदान प्रणाली कार्यान्वयन गर्दा निर्वाचन आयोगमा मात्र नभई नेपाल सरकारका विभिन्न निकायमा उपलब्ध आइसिटीसम्बन्धी ज्ञान, सीप, जनशक्ति तथा प्राविधिक क्षमताको नक्सांकन आवश्यक रहेको बताए ।

उनले इन्टरनेट मतदान प्रणाली वहुआयामिक र अन्तरनिकायसँग सम्बन्धित हुने भएकाले डिजिटल पहिचान, मतदाता प्रमाणीकरण, डाटा आदानप्रदान, साइबर सुरक्षा, प्रणाली विकास, पूर्वाधार तथा सञ्चालनलगायतका क्षेत्रमा सम्बन्धित सरकारी निकायमा उपलब्ध विशेषज्ञता र सीपको पहिचान गर्न आवश्यक रहेको बताएका हुन् ।

इन्टरनेट मतदान प्रणाली कार्यान्वयनतर्फ अघि बढ्दा आवश्यक पर्ने प्राविधिक जनशक्ति, विशेषज्ञता र संस्थागत क्षमताको पहिचान तथा उपयोग गर्न आधार प्रदान गर्ने उनको भनाइ थियो ।

प्रतिक्रिया दिनुहोस्

अन्य समाचारहरु

गृहमन्त्री सुधन गुरुङले गोप्य सूचना चुहाउने जोसुकैलाई कारबाही हुने बताएका छन्

। गृहमन्त्री सुधन गुरुङले गोप्य सूचना चुहाउने जोसुकैलाई कारबाही हुने बताएका छन् । मंगलबार सामाजिक सञ्जाल फेसबुकमार्फत गृहमन्त्री गुरुङले यस्तो बताएका हुन् । राज्यले सुम्पिएको गोपनीयतामाथि जानाजान आफ्नो देश र संगठनमाथि विश्वासघात गर्ने जोसुकै भए पनि कुनै उन्मुक्ति नपाउने भन्दै उनले त्यस्ता व्याक्तिलाई कानुनको कठघरामा ल्याउने बताए । संवेदनशील सूचना चुहावट गरेको आरोपमा सोमबार सरकारले सशस्त्र प्रहरीका एआईजी ...

तातोपानी नाका सञ्चालन गर्ने बारेमा चीनसँग कुराकानी भइरहेको

। पूर्वाधार विकासमन्त्री सुनिल लम्सालले तातोपानी नाका सञ्चालन गर्ने बारेमा चीनसँग कुराकानी भइरहेको बताएका छन् । मंगलबार संसदीय विशेष समितिको बैठकमा बोल्दै मन्त्री लम्सालले यस्तो बताएका हुन् । उनले तातोपानी नाका पुन: सञ्चालनमा ल्याउने एवं रसुवागढी नाका सञ्चालनमा ल्याउने बारेमा सरकार निरन्तर प्रयत्नशील रहेको जानकारी दिए । मन्त्री लम्सालले अहिले तातोपानी नाकामा नेपालतर्फ कुनै समस्या नरहेको र नेपालतर्फको ...

मन्त्री सोविता गौतमले विपद्‍मा बेपत्ता भएका व्यक्तिको मृत्यु घोषणा तथा मृत्यु दर्तासम्बन्धी कानुनी व्यवस्था संशोधनको तयारी

। कानुन, न्याय तथा संसदीय मामिलामन्त्री सोविता गौतमले विपद्‍मा बेपत्ता भएका व्यक्तिको मृत्यु घोषणा तथा मृत्यु दर्तासम्बन्धी कानुनी व्यवस्था संशोधनको तयारी भइरहेको बताएकी छन् । सिंहदरबारमा आयोजित हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्सम्बन्धी संसदीय विशेष समितिको बैठकमा उनले अध्यादेशमार्फत मृत्यु घोषणा र दर्तासम्बन्धी कानुन संसोधन गर्न लागेको बताएकी हुन् । संसद्को नियमित अधिवेशन अन्त्य ...

ओलीले अध्यक्ष नछोड्ने सन्देश सहितको अन्तरपार्टी निर्देशन जारी

। नेकपा एमालेले २१ फागुनको चुनावी हारलाई अध्यक्ष केपी शर्मा ओलीको व्यक्तिगत असफलताका रुपमा लिन नहुने निष्कर्ष जारी गरेको छ । तेस्रो केन्द्रीय कमिटी बैठकपछि जारी अपानिमा पार्टीको हारलाई समग्र परिस्थितिसँग विश्लेषण गर्नुपर्ने उल्लेख गरिएको छ । ‘हार बाह्य प्रहारको मात्र परिणाम होइन, हार हाम्रो आन्तरिक कमजोरीको परिणाम पनि हो । तर हार अध्यक्षको व्यक्तिगत असफलता ...

मन्त्री सुनिल लम्सालले रसुवा बाढी प्रभावितलाई दसैं अघि नै सुरक्षित ठाउँमा पुनस्थापित गर्नेगरि काम भइरहेको बताएका छन्

: पूर्वाधार विकास मन्त्री सुनिल लम्सालले रसुवा बाढी प्रभावितलाई दसैं अघि नै सुरक्षित ठाउँमा पुनस्थापित गर्नेगरि काम भइरहेको बताएका छन्। सिंहदरबारमा मंगलबार बसेको हिमालमा जलवायु परिवर्तनको प्रभाव,जलवायु न्याय तथा भोटेकोशी–त्रिशुली विपद्सम्बन्धी संसदीय विशेष समिति बैठकमा मन्त्री लम्सालले बाढी प्रभावित नागरिकहरूलाई सकेसम्म दसैं अघि नै सुरक्षित ठाउँमा पुनस्थापित गरी चाडपर्वको माहोल बनाउने लक्ष्यका साथ स्थानीय तहसँग समन्वय ...