। इन्टरनेट सर्भिस प्रोभाइडर एसोसिएसन अफ नेपाल (आईएसपीएएन) ले अब सुपथ मूल्य र कम स्पिडका इन्टरनेट प्याकेजहरू उपलब्ध नगराउने घोषणा गरेको छ ।
संघ अध्यक्ष सुधीर पराजुलीका नामबाट आइतबार जारी विज्ञप्ति अनुसार इन्टरनेट सेवा प्रदायकले १९ असोज सोमबारदेखि लागु हुने गरी सुपथ मूल्य र कम स्पिडका इन्टनेट प्याकेज उपलब्ध नगराइने उल्लेख छ ।
विगतका वर्षहरूका मूल्यवृद्धि, मध्यपूर्वको तनावले गर्दा चुलिएको इन्धन मूल्य, आकाशिएको फाइबर मूल्य, अत्यधिक मुद्रास्फीतिको अवस्था र एआईको तीव्र वृद्धिले गर्दा एक्कासि महँगिएको इलेक्ट्रोनिक र चिपसेट भाउ एवं अन्य थुप्रै कारण र परिस्थिति समेतले गर्दा सेवा प्रदायकको सञ्चालन समेत अप्ठ्यारो अवस्थामा आएको हुँदा भचबतष्यल समेत चल्न सकस भएको हुँदा त्यस्ता इन्टरेनट प्याकेज उपलब्ध नगराइने संघको भनाइ छ ।
ग्राहकमा पर्न जाने असुविधाप्रति क्षमा माग्दै संघले सबै सेवा प्रदायकलाई अझै गुणस्तरीय सेवा दिएर डिजिटल नेपालको सपनामा लागिरहन निर्देशन दिएको छ । सबै सेवा प्रदायकलाई नेपाल दूरसञ्चार प्राधिकरणबाट स्वीकृत दर आफ्नो वेबसाइटमा सजिलै देखिने गरी राख्न पनि संघले निर्देशन दिएको छ ।
त्यसैगरी संघले सबै ग्राहकलाई अनिवार्य भ्याट बिल लिन आग्रह गरेको छ ।
