: काठमाडौंमा गुणस्तरहीन खाद्य सामाग्री बिक्री गर्ने २ जना पक्राउ परेका छन्। चन्द्रगिरी नगरपालिका-१५ तिनथाना स्थित सिद्धि विनायक खाद्य स्टोरमा मापदण्ड विपरीत म्याद गुजारिएका खाद्यान्नमा नयाँ मिति राखेर बिक्री गरेको आरोपमा बाराको प्रसौनि गाउपालिका-१ का विजेन्द्र साह र पर्साको बिन्दाबासिनी गाउपालिका-२ बहुअरुवा भाठाका अखिलेस प्रसाद कलवार पक्राउ गरिएको जिल्ला प्रहरी परिसर काठमाडौंका प्रहरी उपरीक्षक दान बहादुर थापाले जानकारी दिए।
उनका अनुसार जिल्ला प्रहरी परिसर, काठमार्डी र खाद्य प्रविधि तथा गुण नियन्त्रण विभागको संयुक्त टोली स्थलगत अनुगमन गर्दा मिति गुजारिएका, मिति उल्लेख नगरिएका, खाद्यान्नहरूमा नयाँ मिति र लेबलिङ गरी बिक्री वितरण गरिरहेको अवस्थामा फेला पारि नियन्त्रणमा लिइएको हो।
उनीहरुमाथि थप अनुसन्धान कार्य भइरहेको प्रहरीको भनाई छ।
