। सडक यातायात प्रयोगकर्ताले आफ्नो गन्तव्यको भाडा दर अब यातायात व्यवस्था विभागको वेबसाइटमा हेर्न सक्ने भएका छन् ।
विभागले dotm.gov.np मा ‘भाडा दर खोजी’ नामक कोलम सुरु गरेको छ । जसमा गएर यात्रुले आफ्नो गन्तव्यको भाडा दर हेर्न सक्नेछन् । यसअघि यात्रुले सार्वजनिक रूपमा यसरी भाडा दर हेर्न सक्ने सुविधा उपलब्ध थिएन ।
चाडबाडका बेला सार्वजनिक यातायातले मनपरी भाडा लिने गरेको गुनासो यात्रुबाट सुनिन्छ । आफूलाई शंका लागे यात्रुले अब जुनसुकै स्थानबाट सम्बन्धित गन्तव्यको भाडा दर वेबसाइटमा हेर्न सक्ने गरी विभागले व्यवस्था मिलाएको छ ।
