। नेपाली क्रिकेट टोलीका बाँयाहाते स्पीनर ललित राजवंशी आईसीसी टी-२०आई बलिङ वरियतामा ३८ स्थान फड्को मारेका छन् ।
आईसीसीले बुधबार अध्यावधि गरेको नयाँ वरीयताअनुसार ललित ३८ स्थान माथि उक्लिएका हुन् । उनी ८०औं स्थानमा पुगेका छन् । उनको रेटिङ अंक ४६८ छ ।
जापानमा भएको एसियन गेम्समा दुई खेल मात्र खेलेको नेपालले एक खेलमा मात्र बलिङ गरेको थियो ।
अफगानिस्तानसँगको खेलमा ललितले ४ ओभरमा १३ रन दिएर ३ विकेट लिएका थिए । सोही प्रदर्शनबाट उनको वरीयता सुधार भएको हो ।
बलिङ वरियतामा सन्दीप लामिछाने दुई स्थान माथि उक्लिएर ४७औं स्थानमा पुगेका छन् भने दीपेन्द्रसिंह ऐरी एक स्थान सुधार गरेर ५९औं स्थानमा छन् ।
टी-२०आई अलराउन्डर वरीयतामा दीपेन्द्र चौथो स्थानमा यथावत् छन् ।
