। धनुषाको क्षिरेश्वरनाथ नगरपालिका– ८ दिगम्बरपुरकी एक नवविवाहित किशोरीको शंकास्पद मृत्यु भएको छ ।
गत शनिबार राति दिनेश ठाकुरकी श्रीमती १७ वर्षीया पूजा महतोको मृत्युमा माइती पक्षले आंशका व्यक्त गरेका हुन् ।
इलाका प्रहरी कार्यालय सखुवा महेन्द्रका अनुसार गत शनिबार राति घरको सुतिरहेको ओछ्यानमा पूजाको शव भेटिएको थियो । उनको घाँटीमा झुण्डिएको डाम देखिएको थियो ।
घटनापछि पति दिनेश र उनकी सासुआमालाई प्रहरीले सोधपुछको लागि नियन्त्रणमा लिएको थियो । पछि किरिया कर्मको लागि उनीहरूलाई प्रहरीले छोडेको थियो ।
यता माइतपक्षले उनको हत्या भएको दाबी गर्दै जिल्ला प्रहरी कार्यालय धनुषामा जाहेरी दिएका छन् ।
एउटै वडाको फरक टोल र जातका रहेका दिनेश र पूजाबीच प्रेम सम्बन्ध रहेको थियो । उमेर नपुगेको र फरक जातको रहेकोले परिवार र समाजले छुट्टाउन पञ्चायत गरेको थियो । तर, पछि सात महिना अघि पूजाले दिनेशसँग अन्तरजातीय विवाह गरेकी थिइन् ।
सात महिनाअघि भागेर अन्तरजातीय विवाह गरेकी उनको घाँटीमा डाम देखिएको थियो ।
पोस्टमार्टम रिपोर्ट आएपछि मात्र घटनाबारे यथार्थ खुल्ने र अनुसन्धान भइरहेको प्रहरीले जनाएको छ ।
