: सर्वोच्च अदालतले मेडिकल व्यवसायी दुर्गा प्रसाईंलाई पक्राउ गर्नुको कारणसहित लिखित जवाफ पेस गर्न आदेश दिएको छ।
न्यायाधीश हरिप्रसाद फुयालको इजलासले प्रसाईंका तर्फबाट दायर बन्दी प्रत्यक्षीकरण निवेदनमाथि सुनुवाइ गर्दै यस्तो आदेश दिएको हो।
अदालतले मागबमोजिम आदेश जारी गर्न नपर्ने कुनै आधार र कारण भए म्याद सूचना प्राप्त भएको मितिले बाटाको म्यादबाहेक सात दिनभित्र महान्यायाधिवक्ताको कार्यालयमार्फत प्रमाणसहित लिखित जवाफ पेस गर्न भनेको छ।
प्रसाईंको पक्राउलाई लिएर उनका तर्फबाट सर्वोच्चमा बन्दी प्रत्यक्षीकरणको निवेदन दायर भएको थियो। आदेशमा नेपाल प्रहरी प्रधान कार्यालय साइबर ब्युरो, काठमाडौंलाई विपक्षी बनाइएको छ।
