: काठमाडौं उपत्यकाका विभिन्न स्थानबाट लागुऔषधसहित ५ जना पक्राउ परेका छन् । लागुऔषध खैरो हेरोइन तथा चिकित्सकको सिफारिसमा मात्र खरिद गर्न पाइने डाइजेपाम, फेनारगन, बुप्रेनोर्फिन र ट्रामाडोलसहित उनीहरूलाई शुक्रबार र आज पक्राउ गरेको लागुऔषध नियन्त्रण ब्यूरोका प्रहरी नायब उपरीक्षक जीवन निरौलाले जानकारी दिए।
निरौलाका अनुसार चन्द्रागिरी नगरपालिका–६ का ३४ वर्षीय विक्रम घले, मकवानपुरको थाहा नगरपालिका–१२ का २४ वर्षीय विजय तामाङ र राक्सीराङ गाउँपालिका–३ का ३३ वर्षीय ललितबहादुर स्याङ्ताङ, काभ्रेपलाञ्चोक बेथानचोक गाउँपालिका–६ का ३४ वर्षीय गणेश लामा र सिन्धुलीको हरिहरपुर नगरपालिका–११ का ३२ वर्षीय रत्न तामाङलाई पक्राउ परेका हुन्।
उनीहरूबाट बाट नगद ५ लाख ६० हजार ४०० रुपैयाँ, मोटरसाइकल १ थान र ६ थान मोबाइल पनि बरामद भएको छ।
