। २०औं एसियन गेम्स अन्तर्गत पुरुष क्रिकेटको पहिलो खेलमा अफगानिस्तानले जापानलाई पराजित गरेको छ ।
समूह ‘ए’ अन्तर्गतको खेलमा अफगानिस्तानले जापानलाई ४८ रनले पराजित गरेको हो । १३० रनको लक्ष्य पछ्याएको जापान १९.३ ओभरमा ८१ रनमा अलआउट भयो ।
जापानका लागि रियो साकुरानो थोमसले सर्वाधिक २३ रन बनाए । बेन्जामिन इटो डेभिसले १७ तथा कप्तान केन्डल काडोवाकी फ्लेमिङले १४ रन बनाए ।
अफगानिस्तानका अरब गुलले ४ ओभरमा ८ रन मात्र दिएर ४ विकेट लिए । नाङ्गेलिया खरोटीले ३, अब्दुल्लाह अहमदजाइले २ तथा नजिबुल्लाह जाद्रानले १ विकेट लिए ।
त्यसअघि टस हारेर पहिले ब्याटिङको निम्तो पाएको अफगानिस्तानले २० ओभरमा ६ विकेट गुमाएर १२९ रन बनाएको थियो ।
अफगानिस्तानका लागि मोहम्मद अक्रमले ३४ रन बनाए भने कप्तान डार्विश रसूलीले २९ रन बनाए । मोहम्मद इशकले अविजित २५ तथा करिम जनतले २१ रन बनाए ।
जापानका लागि शोमा सुगाया स्लेटर र इब्राहिम ताकाहाशीले २-२ विकेट लिँदा बेन्जामिन इटो डेभिस र रियो साकुरानो थोमसले १-१ विकेट लिए ।
यो समूहमा नेपाल पनि रहेको छ । नेपालले शुक्रबार अफगानिस्तानसँग खेल्नेछ । त्यसपछि शनिबार नेपालले जापानसँग खेल्नेछ ।
