: संयुक्त राष्ट्रसंघको महासभामा सहभागी हुन अमेरिकाको न्युयोर्कमा रहेका परराष्ट्रमन्त्री शिशिर खनालले राष्ट्रसंघको ८१औँ अधिवेशनको नाराले नेपालका आधारभूत मूल्य–मान्यतासँग मेल खाएको बताएका छन्।
सामाजिक सञ्जाल फेसुबकमार्फत खनालले अधिवेशनको नाराले संयुक्त राष्ट्रसंघको बडापत्र र अन्तर्राष्ट्रिय कानुनप्रति नेपालको अटल विश्वास, विश्व शान्ति प्रवर्द्धन, मानव मर्यादाको रक्षा र दिगो विकासलाई अघि बढाउने नेपालको दृढ प्रतिबद्धतालाई प्रतिविम्बित गरेको बताएका हुन्।
संयुक्त राष्ट्रसंघ ८१औँ अधिवेशनको नारा ‘विश्वासको पुनर्स्थापना र रूपान्तरणको व्यवस्थापन, सबैका लागि नतिजा दिने संयुक्त राष्ट्रसंघ’ तय गरिएको छ।
मन्त्री खनालले प्रधानमन्त्री वालेन्द्र शाहले २४ सेप्टेम्बरमा महासभासमक्ष नेपालको तर्फबाट राष्ट्रिय सम्बोधन गर्ने जानकारी समेत गराएका छन्। उच्चस्तरीय प्रतिनिधि मण्डलको नेतृत्व गर्दै प्रधानमन्त्री शाह मगंलबार बेलुकी अमेरिका प्रस्थान गरेका छन्।
