: भक्तपुरको चाँगुनारायण नगरपालिका–०२ दुवाकोटमा मोटरसाइकलको ठक्करबाट एक जनाको मृत्यु भएको छ। मृत्यु हुनेमा अन्दाजी ६५ वर्षीय पुरुष पैदलयात्री रहेका छन्। उनको पहिचान खुल्न बाँकी छ।
मगंलबार दिउँसो ३ बजेतिर के.एम.सी.अस्पतालबाट महाकालचोकतर्फ जाँदै गरेको कर्णाली प्रदेश ०२–००३ प ३७०७ नम्बरको मोटरसाइकलले दुवाकोटस्थित सिटी ब्याङ्केट नजिक पैदलयात्रीलाई ठक्कर दिएको थियो ।
ठक्कबारबाट गम्भीर घाइते भएका उनको के.एम.सी.अस्पतालमा उपचारका क्रममा मृत्यु भएको हो। दुर्घटनामा संलग्न मोटरसाइकल चालक जिल्ला जुम्लाको हिमा गाउँपालिका–५ घर भई हाल सृजनानगर बस्ने २० वर्षीय दिपेन्द्र शाहीलाई प्रहरीले पक्राउ गरेको छ।
मोटरसाइकल अनियन्त्रित भएर दुर्घटना हुँदा रोकिराखेको बा. २१ च ५६७४ नम्बरको कारलाई समेत ठक्कर दिएको र कारको अगाडिको भागमा क्षति गरेको छ।
