: प्रधानन्यायाधीश डा. मनोजकुमार शर्मा चाइना प्रस्थान गरेका छन्। 'चाइना फोरम अन इन्टरनेशनल लिगल कोअपरेशन, २०२६' मा सहभागी हुन प्रधानन्यायाधीश शर्मा आइतबार चीन प्रस्थान गरेका हुन्।
चीन कानुन समाजद्वारा आयोजित उक्त कार्यक्रममा सहभागी हुन नेपाली प्रतिनिधिमण्डलको नेतृत्व गर्दै प्रधानन्यायाधीश शर्मा चीनको ग्वान्झाउ प्रस्थान गरेको सर्वोच्च अदालतका प्रवक्ता अर्जुनप्रसाद कोइरालाले जानकारी दिए।
प्रधान्यायाधीश शर्मा नेतृत्वको भ्रमण दलमा उनकी पत्नि उमा शर्मा,मुख्यरजिष्ट्रार विमल पौडेल र उपरजिष्ट्रार राजेन्द्र पौडेल सहभागी छन् । प्रधानन्यायाधीश शर्मा यही असोज ८ गते स्वदेश फर्किने कार्यसूची छ।
