। काठमाडौंको न्युरोडबाट करिब डेढ किलो सुनजस्तो देखिने धातुसहित एक जना भारतीय पक्राउ परेका छन् ।
काठमाडौं महानगरपालिका–२६ भेडासिंह डेरा गरी बस्ने भारत घर भएका ४१ वर्षीय मानिक दासलाई प्रहरीले पक्राउ गरेको हो ।
१ किलो ४ सय ६६ ग्राम ६ सय ८० मिलिग्राम तौल बराबरको सुन जस्तो देखिने धातुका विभिन्न गरगहनाहरू र नगद ७ लाख ५६ हजार रूपैयाँ सहित ती व्यक्तिलाई पक्राउ गरिएको शनिबार प्रहरीले जारी गरेको बुलेटिनमा उल्लेख छ ।
काठमाडौंको न्यूरोड एरियामा अवैध रूपमा सुनका गरगहनाहरू भण्डारण तथा बिक्रि बितरण भइरहेको छ भन्ने सूचनाको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई पक्राउ गरेको हो ।
उनलाई आवश्यक अनुसन्धान तथा कारबाहीको लागि त्रिभुवन अन्तर्राष्ट्रिय विमानस्थल भन्सार कार्यालय गौचर काठमाडौं पठाइएको प्रहरीको केन्द्रीय समाचार कक्षले जनाएको छ ।
