: अर्थमन्त्री स्वर्णिम वाग्ले र नेपालका लागि जापानी राजदूत मायदा तोरुबीच भेटवार्ता भएको छ।
बुधबार भएको भेटवार्तामा नेपाल-जापान आर्थिक सहकार्यका विषयमा छलफल भएको जापानी दूतावासले जनाएको छ। भेटमा जापानले नेपाललाई उपलब्ध गराउँदै आएको आकस्मिक सहायता लगायतका विषयमा समेत छलफल भएको थियो।
भेटवार्तामा प्रभावित समुदायलाई समयमै सहयोग उपलब्ध गराउने, आर्थिक पुनरुत्थान तथा दीर्घकालीन उत्थानशीलता कायम गर्ने विषयमा दुवै पक्षले प्रतिबद्धता जनाएका थिए।
जापानी दूतावासका अनुसार भेटवार्ताले नेपाल र जापानबीचको आर्थिक सहकार्यलाई थप मजबुत बनाउने विषयमा साझा प्रतिबद्धता रहेको समेत देखाएको छ।
