। नेपाली कांग्रेसकी सांसद सीता थपलियाले चुनावको बेला गरेको वाचा र चुनावपछि सरकार बनाएर गरेको व्यवहारका बीचमा के कति तादम्यता छ भनेर सरकारलाई प्रश्न गरेकी छन् ।
बिहीबार प्रतिनिधिसभाको बैठकमा बोल्दै उनले विभिन्न सात वटा प्रश्न राखिन् ।
१. १०० बुँदे सकल्प यहाँ पुग्यो ?
२. अस्पतालमा उपचार पाइयो कि पाइएन ?
३. भूमिहीनले अधिकार पाए कि पाएनन् ?
४. युवाले अवसर पाए कि पाएनन् ?
५. सरकारले आफ्नै आयोगको प्रतिवेदन सार्वजनिक गर्यो कि गरेन ?
६. हाम्रो हिमालका आवाज विश्वले सुन्यो कि सुनेन ?
७. सरकारले बजारको महंगी नियन्त्रण गर्न सक्यो ?
२१ फागुन २०८२ को चुनावमा जनताले जे विश्वास राखेर जनताले मत दिएका थिए त्यसअनुसार सरकारले काम गर्नुपर्ने उनको आग्रह छ । यहाँनेर उनले भनेकी छन्, ‘म प्रधानमन्त्रीज्युलाई स्मरण गराउन चाहन्छु, तपाइले गर्नु भएको १०० बुँदे सकल्प यहाँ पुग्यो ?’
चुनावका बेला सरकारले १०० बुँदे संकल्प ल्याएकाके थियो । प्रधानमन्त्री भए लगत्तै प्रधानमन्त्री बालेन्द्र शाहले पनि १०० दिनमा गर्ने गरी १०० बुँदे कार्यसूची ल्याएका थिए ।
यो स्मरण गर्दै सांसद थपलियाले ‘कति नागरिकको जीवनमा परिवर्तन आयो’ भनेर प्रश्न गरेकी हुन् ।
यसबाहेक उनले भोटेकोशी बाढीका कारण त्रिशूली नदीमा रहेको फुर्केखोलाको पुल बगेको आज २३ दिन भइसकेको बताइन् । बारम्बार सदनमार्फत सरकारको गम्भीर ध्यानाकर्षण गराउँदै, जनताको आवत जावत दैनिकि सहज बनाउन यथाशीघ्र अस्थायी बेलिब्रिज निर्माण गर्न आग्रह गरिसकेको तर सरकार कानमा तेल हालेर बसेको बताइन् ।
बाढिका कारणले प्रभावित ठाउँहरु धादिङ, रसुवा ,नुवाकोट का ब्यबसायी तथा आम नागरिकले बैंक बाट लिएको ऋण को ब्याज तथा विद्युत को महसुल पुनस्र्थापना नहुन्जेल सम्म सरकारले मिनाहा गर्नुपर्ने माग गरिन् ।
