: न्याय सेवा आयोगले सर्वोच्च अदालतका दुईजना सह-रजिस्ट्रारलाई बढुवाका लागि सिफारिस गरेको छ।
मंगलबार बसेको न्याय सेवा आयोगको बैठकले सह-रजिस्ट्रारद्वय ठगीन्द्र कट्टेल र बाबुराम दाहाललाई सर्वोच्च अदालतको रजिस्ट्रारमा बढुवाका लागि सिफारिस गरेको हो।
सर्वोच्च अदालतका रजिष्ट्रार भद्रकाली पोखरेल उच्च अदालतको न्यायाधीशमा नियुक्त भएपछि सर्वोच्चको रजिष्ट्रारका दुई पद रिक्त थिए। रिक्त दुई पदमा कट्टेल र दाहाललाई सिफारिस गरिएको हो।
