। सिरहाको बरियारपट्टी गाउँपालिका–३ नवटोलीमा सकेट बमजस्तो देखिने वस्तु फेला परेपछि नेपाली सेना पुगेर डिस्पोज गरेको छ ।
आइतबार दिउँसो करिब साढे ४ बजे स्थानीय जयनारायण कामतको खेतको आलीमा उक्त वस्तु फेला परेको हो ।
उक्त वस्तु फेला परेपछि प्रहरीलाई खबर गरिएको थियो ।
सूचना प्राप्त हुनासाथ इलाका प्रहरी कार्यालय बरियारपट्टीबाट प्रहरी टोली कामतको खेलमा पुगेको थियो ।
वस्तु शंकास्पद् लागेपछि प्रहरीको खबरअनुसार नेपाली सेनाको नन्दाबक्स गण, चोहर्वा सिरहाबाट बम डिस्पोजल टोली त्यहाँ पुगेको थियो ।
उक्त टोलीले अहिले साँझ साढे ६ बजे उक्त वस्तुलाई डिस्पोज गरिसकेको जिल्ला प्रहरी कार्यालय सिरहाका प्रमुख प्रहरी उपरीक्षक(एसपी) वासुदेव पाठकले जानकारी दिए ।
उक्त वस्तु बम भए–नभएको कुरा सेनाले खुलाइनसकेको एसपी पाठकले जानकारी दिए । सोबारे अनुसन्धान भइरहेको उनले बताए ।
