। अरनिको राजमार्गअन्तर्गत काभ्रेपलाञ्चोकको बनेपामा रहेको उग्रचण्डी पेट्रोल पम्प अगाडि मोटरसाइकलले ठक्कर दिँदा एक जना पैदलयात्रीको मृत्यु भएको छ ।
धुलिखेलबाट बनेपातर्फ आउँदै गरेको बा६५प ४८१३ नम्बरको मोटरसाइकलले ठक्कर दिंदा सडक पार गर्दै गरेका बनेपा-७ का ७२ वर्षीय ज्ञानलाल मानन्धरको मृत्यु भएको हो ।
मोटरसाइकलको ठक्करबाट सख्त घाइते भएका मानन्धरको काठमाडौंको अन्नपूर्ण न्यूरो अस्पतालमा उपचारका क्रममा मृत्यु भएको प्रहरीले जनाएको छ ।
मोटरसाइकल चालक महाभारत-६ घर भई हाल बनेपा-४ नालामा डेरा गरी बस्ने २७ वर्षीय रबिन घिसिङ पनि घाइते भएका छन् ।
मोटरसाइकल चालक घिसिङको पनि टाउकोमा चोट लागेको छ तर उनी बोल्न सक्ने अवस्थामै छन् ।
