। चाइना साउदर्न एयरलाइन्सले ग्वाङ्झाउ–नयाँदिल्ली नियमित यात्रुवाहक उडान पुनः सञ्चालन गर्ने घोषणा गरेको छ ।
चाइना साउदर्न शनिबार ग्वाङ्झाउ–नयाँदिल्ली नियमित यात्रुवाहक उडान सेप्टेम्बर २१ (५ असोज) देखि पुनः सञ्चालन गर्ने घोषणा गरेको हो ।
विगत छ वर्षदेखि रोकिएको चाइना साउदर्न एयरलाइन्सको ग्वाङ्झाउ–नयाँदिल्ली उडान सेवा पुनः सञ्चालन हुन लागेको ‘प्रेस ट्रस्ट अफ इन्डिया’ (पीटीआई)ले जनाएको छ ।
उडान सेवा पुनः सुरु भएसँगै एयरलाइन्सले दक्षिण एसियामा आठवटा रुटमा सातामा सयभन्दा बढी ‘राउन्ड–ट्रिप’ उडान सञ्चालन गर्ने समाचारमा उल्लेख छ ।
चीनको दक्षिणी ग्वाङडोङ प्रान्तको ग्वाङ्झाउमा मुख्यालय रहेको चाइना साउदर्न एयरलाइन्स चीनका प्रमुख वायुसेवा कम्पनीमध्येमा पर्दछ ।
