। राष्ट्रिय स्वतन्त्र पार्टी(रास्वपा) सांसद श्रीराम न्यौपानेले चिलिमे जलविद्युत् आयोजनाको सुरुङभित्र फसिरहेकाहरूको उद्धार तीन दिनभित्र सम्पन्न हुने विश्वास गरेका छन् ।
आयोजनास्थलमा रहेका न्यौपानेले एक्साभेटरका आउन पुर्याउन ढिलाइ भएका कारण उद्धार कार्यले तीव्रता प्राप्त गर्न नसकेको बताएका छन् ।
‘आज साँझ वा भोलिसम्म अस्थायी सडक निर्माण गरी एक्साभेटर सुरुङभित्र पुग्ने अपेक्षा गरिएको छ,’ उनले भने, ‘त्यसपछि उद्धार कार्यले तीव्रता पाउने र बढीमा ३ दिनभित्र उद्धार कार्य सम्पन्न हुने विश्वास गरिएको छ ।’
चिलिमे जलविद्युत् आयोजनाभित्र रहेकाहरुको अवस्था बारे हालसम्म जानकारी नभएको उनले बताए ।
