: चीनको लेन्दे खोला हुँदै भोटेकोशी नदिमा आएको भीषण बाढीका कारण विभिन्न जिल्लाका धेरै गाउँ र बजार तथा भौतिक संरचना बगाएर ध्वस्त पारेको छ।
स्थानीय तहको गाउँपालिका र वडा कार्यालय भवन तथा कर्मचारी र जनप्रतिनिधि नै बेपत्ता भएका कारण २ साता बित्दासमेत एकीन तथ्यांक मै अलमल भएको छ। नेपाल चीन सिमानकाबाट रसुवातर्फ आएको बाढीले घट्टेखोला बस्ती, टिमुरे बजार, स्याफ्रुबेसी, मैलुङ, शान्तिबजार, पैरैबेसी, खाल्टे, नौबिसे, कैदलेटार, बेत्रावती बजार तथा नुवाकोटको तुप्चे, त्रिशूली बजार पूरै बगाएर मसानघाट जस्तै भएको छ। बाढीले गोसाइकुण्ड गाउँपालिका वडा नं २ र ५ को वडा कार्यालयमा बगाएन दुवै वडाका ७ जना जनप्रतिनिधि र गाउँपालिका उपाध्यक्ष प्रतिमा लामासमेत बेपत्ता छन्।
कर्मचारी र जनप्रतिनिधिहरु नै नहुँदा सुन्यता छाएको छ भने कति घर बाढीमा परे को बेपत्ता, को मृत्यू यसको तथ्यांक संकलनमा अलमल छ। ‘विनाशकारी बाढीमा धेरै साथीहरु बेपत्ता गुमेको सोक र चिन्ताबाट माथि उठेर तथ्यांक संलनमा जुटेका छौं,’गोसाइँकुण्ड गाउँपालिकाका सूचना अधिकारी अर्जुन डोटेलले भने, ‘हामी गाउँपालिका भरको व्यवस्थित तरिकाले घरधुरी तथा क्षतीको तथ्यांक लिन लागिरहेका छौं तर अझै समय लाग्छ ।’
स्वास्थ्य शाखा प्रमुख विमल घिमिरे भन्छन् ‘धेरै साथीहरु बेपत्ता छन् कर्मचारी मात्र २७ जना र जनप्रतिनिधि ७ जना स्थानीय सर्वसाधारण र जिल्ला बाहिरका नागरिक कति बेपत्ता तत्त्यांक संकलन नै जटिल छ।’ यात्रारत मानसरोवर र कैलास जाने यात्री र स्थानीय जलविद्युत आयोजनाका कामदार, प्राविधिक कति परे त्यसको अनुमान गर्न झनै कठिन छ। अहिलसम्म लास भेटेर पहिचान भएको २ जना मात्र छन्।
गाउँपालिकामा वडा नं २ टिमुरमा १ सय ६३ वडा नं ५ स्याफ्रुबेसीबाट १२३ घरधुरी बगाएको प्रारम्भीक तथ्यांक छ। वडा नं २ र ५ का अधिकांस बिस्थापितहरु –झण्डै ५ सय जना) काठमाडौको स्वयम्भु स्थित एलो र मुस्ताङ गोम्बामा छन्। गोसाइकुण्ड गाउँपालिकाको वडा नं १ मा १११, २ मा १९९, ३ मा १७, ५ मा १६६, र ६ मा ५२ जना बेपत्ता भएका छन्। कर्मचारी २१, र जनप्रतिनिधि ७ जना गरी ५७३ जना बेपत्ता छन्। एकीन तथ्यांक आउदा यो बढ्ने अनुमान छ। लासका खोजी तथा व्यवस्थापनका लागि सुरक्षाकर्मी परिचालन भएका छन्।
क्षती भएका बस्तीहरु धेरै स्थापित बस्तीहरु खण्डहरमा परिणत भएको छ। घट्टेखोला, टिमुरे बजार, दाहालफेदी, स्याफ्रुबेसी बजार, मैलुङ, सल्लेटार, शान्तिबजार, पैरेबेसी, खाल्टे बस्ती, कैदलेटार, बेत्रावती बजार रसुवा नुवाकोट सिमानाको तुप्चे र सोलेबजार तथा त्रिशुली बजारका बस्ती तथा पुलहरु, स्वास्थ्यचौकी, विद्यालय, उत्तरगया गाउँपालिका भवन तथा गोसाइँकुण्ड गाउँपालिका वडा नं २ र ५ को भवन र गोसाइँकुण्ड गाउँपालिका भवन बाढीले बगाएको छ।
