। कुटपिट अङ्गभङ्ग मुद्दामा दुई वर्ष कैद तोकिएका व्यक्ति पक्राउ परेका छन् ।
पक्राउ पर्नेमा नुवाकोटको किस्पाङ गाउँपालिका–५ का ३३ वर्षीय सरोज तामाङ भनिने सुरोज तामाङ छन् । उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।
केदार महर्जनलाई कुटपिट गरी अङ्गभङ्ग बनाएको कसुरमा उनलाई काठमाडौं जिल्ला अदालतले ७ वैशाख २०८१ मा २ वर्ष कैदको फैसला गरेको थियो । साथै २० हजार जरिवाना र ८ सय पीडित राहत कोषमा जम्मा गर्न अलालतले भनेको थियो ।
उच्च अदालत पाटनले पनि २० जेठ २०८२ मा जिल्लाकै फैसला सदर गरेको थियो । अदालतबाट दोषी ठहर भएपछि फरार भएका उनलाई पक्राउ गरी अदालतमार्फत फैसला कार्यान्वयनका लागि कारागार चलान गरिएको छ ।
