। रसुवाको भोटेकोशी हुँदै त्रिशूली नदीसम्ममा आएको बाढीका कारण कर्णाली प्रदेशका अझै १६८ जना सम्पर्कविहीन छन् ।
कर्णाली प्रदेश प्रहरी कार्यालयका प्रवक्ता एसएसपी सन्तोषसिंह राठौरका अनुसार कर्णाली प्रदेशका जिल्लाहरूबाट २४८ जना सम्पर्कविहीन भएकामा त्यसमध्ये हालसम्म ७८ जना सम्पर्कमा आएका छन् । सम्पर्कविहीनमध्ये दुई जनाको मृत्यु भएको प्रहरीले जनाएको छ ।
मृत्यु हुनेमा सल्यानको बागचौर नगरपालिका–१० पिपलनेटाका २० वर्षीय आयुष खड्का र हुम्लाको ताजाकोट गाउँपालिका–२ का नहकुल शर्मा रहेको प्रहरीले जनाएको छ । शर्मा रसुवा भन्सार कार्यालयका अधिकृत हुन् ।
सम्पर्कविहीन जुम्लाका धेरै
प्रहरीको विवरणअनुसार सम्पर्कविहीन हुनेमा सबैभन्दा धेरै जुम्लाका ६३ जना छन् । त्यसपछि सल्यानका ५१ जना, सुर्खेतका १५ छन् ।
यस्तै, मुगुका ११, रुकुम पश्चिमका सात, हुम्ला र कालीकोटका ६–६, दैलेखका पाँच, जाजरकोट र डोल्पाका २–२ जना सम्पर्कविहीन रहेको प्रहरीले जनाएको छ ।
सम्पर्कविहीन हुनेमा १४३ जना पुरुष, २६ जना महिला र चार जना बालिका रहेका छन् ।
