: काठमाडौं उपत्यकामा खाना पकाउने एलपी ग्यासको अभाव भएको छ। भाद्र १० गतेको बाढीका कारण कृष्णभीरको सडक कटानमा परेर पृथ्वी राजमार्ग अवरुद्ध भएपछि उपत्यकामा खाना पकाउने ग्यासको अभाव भएको हो।
पहिरोपछि ग्यास बुलेट आउन नसक्दा ग्यासको आपूर्ति ठप्प भएको छ। जसका कारण उपभोक्ताहरु मर्कामा परेका हुन्। सहज रुपमा ग्यास उपलव्ध हुन नसक्दा उपभोक्ताहरु खाली सिलिण्डर लिएर ग्यास कम्पनीमा पुगेका छन् भने ठूला डिलरलगायत बिक्रि केन्द्रमा खाली सिलिण्डरको लामो लाइन देखिएको छ।
ग्यास बोकेका बुलेट वैकल्पिक मार्गबाट पनि काठमाडौं आउन नसकेपछि उपत्यका बाहिर नै सिलिण्डरमा भरेर ल्याउने तयारी गरिएको छ।
