। रसुवाको भोटेकोशी बाढीमा मृत्यु भएर पहिचान नखुलेका शवको काठमाडौंमा पनि व्यवस्थापन भइरहेकाे छ ।
मंगलबार दिउँसाे काठमाडौंको गोकर्णेश्वरस्थित सरकारी वन क्षेत्रमा केही शव माटोमुनि व्यवस्थापन गरिएका छन् । यसअघि त्यहाँ साेमबार राति पनि ४६ शव व्यवस्थापन गरिएका थिए ।
फिस्लिङदेखि गोलाघाटसम्म संकलन भएर पहिचान नखुलेका शव चितवनमा व्यवस्थापन गरिएको थियो ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्यांक अनुसार दिउँसोसम्म प्राप्त ९८७ शवमध्ये करिब १०० शव काठमाडौं ल्याइएका छन् ।
सरकारले पहिचान नभएका तथा बेवारिसे शव व्यवस्थापन निर्देशिका, २०७८ अनुसार शवहरूको जमिनमुनि व्यवस्थापन गरिरहेको छ । निर्देशिकामा संकलित शवको मुचुल्का, शवको प्रारम्भिक पहिचान, थप विधिको प्रयोग गरेर शवको पहिचान, सनाखत, अभिलेखीकरण, संकेत चिह्न राख्नुपर्ने प्रावधान छ ।
