: प्रधानमन्त्री बालेन शाहले सरकारले बाढी प्रभावित नागरिकको पुनःस्थापना कसरी गर्ने भन्नेबारे छलफल अगाडि बढाइएको बताएका छन्।
सामाजिक सञ्जाल फेसबुकमार्फत प्रधानमन्त्री शाहले प्रभावित क्षेत्रमा खोज र उद्धारसँगै स्थानीय सरकारसँगको समन्वयमा प्रभावित नागरिकको संख्या तथा भौतिक क्षतिको विवरण संकलन सुरु भएको बताएका हुन्।
घर, परिवार, प्रियजन र जायजेथा गुमाएका हजारौं नागरिको पीडा सरकारले बुझेको उल्लेख गर्दै शाहले पीडामा मलहम लगाउँदै पुनःस्थापनामार्फत सामान्य जनजीवनमा पुर्याउनु अबको बाटो भएको बताए ।
बाढी प्रभावितहरुलाई मानसिक र शारीरिक रुपमा सशक्त बनाउँदै पुनःस्थापना गर्न सरकार लाग्ने उनको भनाई छ। त्यसका लागि पुनःस्थापनाका आवश्यक आर्थिक स्रोत जुटाउने क्रम जारी रहेको उनले उल्लेख गरेका छन्।
यस्तै बाढी प्रभावित क्षेत्रमा उद्धार कार्यलाई तीव्र पारिएको र अहिलेसम्म ११,३७९ जना मानिसहरुको उद्धार गरिएको उनले बताए। प्रधानमन्त्री शाहका अनुसार अझै ३,९२५ जना सम्पर्क विहिन छन्।
सम्पर्क विहिनको संख्या घटबढ भइरहेको र प्रभावित क्षेत्रबाट उद्धार गरेर विभिन्न अस्पतालमा भर्ना गरेका २७९ जना घाइते नागरिकहरुमध्ये १६८ जना डिस्चार्ज भइसकेको शाहको भनाई छ।
