: एसीसी प्रिमियर कपको पहिलो खेलमा नेपालले बहराइनलाई ७ विकेटले पराजित गरेको छ। मलेसियाको वाङ्गेस्थित युकेएम वाइएसडी ओभलमा टस हारेर ब्याटिङको निम्तो पाएको बहराइन ३६.२ ओभरमा ८७ रन बनाउँदै अलआउट भएको हो। बहराइनले दिएको ८८ रनको सामान्य लक्ष्य नेपालले २१ ओभरमा ३ विकेट गुमाउँदै पूरा गर्यो।
नेपालको ओपनर ब्याटर अर्जुन कुमालले सर्वाधिक ३६ रन बनाए । उनले ५८ बलमा पाँच चौका प्रहार गर्दै अविजित रहे। हल्का उपनर ब्याटर आसिफ शेखले १८ रन बनाउँदा देव खनालले १० रन बनाए । रोहित पौडेल १९ रनमा अविजित रहे। बहराइनको लागि बलिङतर्फको तिनै विकेट इम्रान जावेद अन्वरको नाममा रह्यो ।
त्यसअघि,ब्याटिङ गरेको बहराइनको लागि फेज अहमद,मोहम्मद वासिम र अन्तिम ब्याटरको रूपमा मैदानमा आएका अलि दाउदले मात्रै दोहोरो अङ्कमा रन बनाउन सकेनन्। सही जवाफले १५ बलमा दुई चौका र एक छक्कासहित १५ रन बनाउँदा मोहम्मद वासिमले २७ बलमा एक चौकासहित १३ रन बनाए। अन्तिम ब्याटरको रूपमा आएका अलि दाउदले २७ बलमा एक छक्का सहित १० रन बनाएका थिए ।
बहराइनलाई सस्तैमा समेट्न नेपालका कप्तान सन्दीप लामिछानेले किफायती बलिङ गरेका हुन्। उनले १० ओभरबलिङ गर्दै ४ओभर मेडनसहित १४ रन खर्चेर ५ विकेट लिएका हुन्। ललित राजवंशीले ३ र करण केसीले २ विकेट लिए। नेपालले दोस्रो खेल बिहीबार मलेसियासँग खेल्नेछ।
