। जापानी इन्सेफ्टाइटिसबाट सप्तरी र कैलालीमा चार जनाको मृत्यु भएको छ । सप्तरीमा दुई जना र कैलालीमा दुई जनाको मृत्यु भएको हो ।
सप्तरीको तिलाठी कोइलाडी गाउँपालिका–१ का ७४ वर्षीय सत्यनारायण यादव र राजगढ गाउँपालिका–३ का १४ वर्षीय शिवकुमार रामको जापनी इन्सेफ्लाइटिसका कारण मृत्यु भएको जिल्ला स्वास्थ्य कार्यालय सप्तरीका स्वास्थ्य अधिकृत सतिश यादवले जानकारी दिए ।
उनका अनुसार दुवै जनाको गत साउन २१ गते उपचारका क्रममा मृत्यु भएको थियो । यादवको बीपी कोइराला स्वास्थ्य विज्ञान प्रतिष्ठान धरानमा र रामको गोल्डेन हस्पिटल विराटनगरमा उपचारका क्रममा मृत्यु भएको स्वास्थ्य अधिकृत यादवले बताए ।
उता, कैलालीको घोडाघोडी नगरपालिकामा पनि जापनी इन्सेफ्लाइटिसको ङ्क्रमणबाट दुई जनाको मृत्यु भएको छ । उपचारका क्रममा घोडाघोडी–४ र ९ का दुई जनाको मृत्यु भएको नगरपालिकाका सिनियर अहेब मानबहादुर बोहराले जानकारी दिए ।
उनका अनुसार मृत्यु हुनेमा ३४ र ७० वर्षीया महिला छन् ।
