मुख्य समाचार
कंगना रनावतले योगगुरु बाबा रामदेवको टिप्पणीप्रति आक्रोश व्यक्त गर्दै आफ्नो जवानी वा बेडरुमबारे सपना नदेख्न भनेकी छन्
कंगना रनावतले योगगुरु बाबा रामदेवको टिप्पणीप्रति आक्रोश व्यक्त गर्दै आफ्नो जवानी वा बेडरुमबारे सपना नदेख्न भनेकी छन्

। अभिनेत्री तथा भाजपा सांसद कंगना रनावतले योगगुरु बाबा रामदेवको टिप्पणीप्रति आक्रोश व्यक्त गर्दै आफ्नो जवानी वा बेडरुमबारे सपना नदेख्न भनेकी छन् ।

कंगनाले ‘जेनेरेसन गटर’ सम्बन्धी दिएको अभिव्यक्तिलाई लिएर बाबा रामदेवले त्यसलाई ‘बिग्रिएको दिमागको संकेत’ भनेपछि उनले प्रतिक्रिया जनाएकी हुन् ।

कंगनाले इन्स्टाग्राम स्टोरीमार्फत बाबा रामदेवलाई जवाफ दिँदै लेखेकी छन्, ‘बाबाजी, मेरो जवानी वा बेडरुमबारे ‘डे-ड्रिम’ नगर्नुस् । कसैले केवल हल्ला र गसिपका आधारमा मात्रै यस्तो सोच्न सक्छ । कम्तीमा मलाई कहिल्यै सर्वोच्च अदालतबाट झुटा वा नक्कली मेडिकल दाबीका कारण फटकार लागेको छैन । त्यसैले मलाई चरित्रको पाठ नपढाउनुस् । तपाईंको चरित्र जस्तोसुकै होस्, मेरो त्यसको तुलनामा धेरै राम्रो छ । यहाँ कुनै ठगी भेटिएको छैन ।’

हालै बाबा रामदेवले जेन जेडलाई लिएर कंगनाले दिएको ‘जेनेरेसन गटर’ अभिव्यक्तिको आलोचना गरेका थिए ।

एक टिभी कुराकानीमा कंगनाको टिप्पणीबारे प्रतिक्रिया दिँदै बाबा रामदेवले भनेका थिए, ‘उनको योग्यता के हो ? उनको बाल्यकाल कस्तो रह्यो ? उनको जवानी कस्तो रह्यो ? उनका यसअघिका गतिविधि कस्ता रहे ? म यस्ता मानिसबारे कुरा गर्न चाहन्नँ । कुनै पनि देशका युवालाई, जेन जेडलाई ‘गटर-पटर’ भन्नु बिग्रिएको दिमागको संकेत हो । यो गलत कुरा हो । यस विषयमा उनको पार्टीका मानिसले संज्ञान लिनुपर्छ ।’

कंगना तपाईंको योगकी प्रशंसक रहँदै आएकोबारे प्रश्न गर्दा बाबा रामदेवले भनेका थिए, ‘मेरो प्रशंसा गरून्, योगको प्रशंसा गरून् भन्दैमा म यहाँ उनका पापमाथि लीपापोती गरिदिऊँ ?’

बाबा रामदेवले युवाको कुनै जात नहुने पनि बताएका थिए । उनका अनुसार युवामा सबै समेटिन्छन्न् । ‘त्यसमा ब्राह्मणका पनि सन्तान छन्, क्षेत्रीयका पनि, वैश्यका पनि, दलितका पनि, आदिवासी–वनवासीका, एससी–एसटीका, सबैका सन्तान छन्, आज युवा आफैंमा एक धेरै ठूलो शक्ति हो, त्यसलाई कसैले नकार्न सक्दैन’ उनले भनेका थिए ।

कंगनाले हालै एक इन्स्टाग्राम स्टोरीमा युवा हिन्दू महिलाको व्यवहारबारे टिप्पणी गर्दै उनीहरूलाई ‘जेनेरेसन गटर’ भनेकी थिइन् ।

उनले लेखेकी थिइन्, ‘सबैभन्दा बढी चकित पार्ने कुरा युवा हिन्दू महिलाको व्यवहार हो । उनीहरू स्वतन्त्र र करिअर बनाउने महिलाको जीवनको नक्कल गर्न चाहन्छन्, तर त्यो स्वतन्त्रता आर्जन गर्न चाहँदैनन् । जो महिला वास्तवमै स्वतन्त्र हुन्छन्, उनीहरू विद्रोही निर्णय लिन्छन्, खुलेर आफ्नो धारणा राख्छन्, परम्पराभन्दा फरक करिअर रोज्छन् र आफ्ना हरेक निर्णयको जिम्मेवारी पनि आफैं लिन्छन्, किनकि उनीहरू आफ्नै बलमा जीवन जिउँछन् । उनीहरू यी सबै कुरा आफ्ना आमाबुबा वा परिवारको मूल्यमा गर्दैनन् । यो तथाकथित पश्चिमी सोच भएका भारतीय महिलाको नयाँ पुस्ता हो, जसलाई म ‘जेनेरेसन गटर’ भन्छु ।’

प्रतिक्रिया दिनुहोस्
अन्य समाचारहरु
हलिउडकी चर्चित अभिनेत्री तथा ओस्कार विजेता ऐनी हैथवे तेस्रो सन्तानकी आमा बनेकी छिन् । ऐनी र उनका पति एडम शुलम्यानले तेस्रो सन्तानलाई परिवारमा स्वागत गरेका छन् । हालै अभिनेत्री न्युयोर्कका सडकमा आफ्नो नवजात शिशुलाई छातीमा टाँसेर हिँडिरहेको अवस्थामा देखिएकी छिन् । ऐनी र उनका पतिले अहिलेसम्म सन्तान जन्मिएको विषयमा भने कुनै आधिकारिक जानकारी सार्वजनिक गरेका छैनन् ...
। ‘नेपाल ग्लोबल फिल्म फेस्टिभल २०२७’ को तयारी तीव्र पारिएको छ । यो महोत्सव आगामी फागुन ७ देखि १० गतेसम्म काठमाडौंमा आयोजना हुनेछ । महोत्सवको उद्देश्य नेपाली फिल्मलाई विश्व बजारसँग जोड्ने र नेपाललाई अन्तर्राष्ट्रिय फिल्मको महत्वपूर्ण गन्तव्यका रूपमा स्थापित गर्ने रहेको आयोजकले जानकारी दिएका छन् । आयोजकका अनुसार महोत्सवमा विश्वका विभिन्न देशबाट करिब १०० जना फिल्मकर्मी, ...
पोर्चुगलका चर्चित फुटबलर क्रिस्टियानो रोनाल्डोले केही दिनअघि मात्रै राष्ट्रिय अन्तराष्ट्रिय खेलबाट सन्यास लिएका छन् । विश्वकै सर्वाधिक गोलकर्ता उनी अब पोर्चुगलको टोलीमा देखिने छैनन् । फुटबल मैदानमा आफ्नो उत्कृष्ट खेलबाट करोडौँ दर्शकको मन जितेका रोनाल्डो अब टेलिभिजनको दुनियाँमा पनि देखिने भएका छन् । उनले आफ्नो पहिलो टिभी सिरिज ‘डे १एस’ निर्माण गर्ने घोषणा गरेका छन्। यो सिरिजमा ...
: बेलायती कमेडियन तथा अभिनेता रसेल ब्रान्डलाई बलात्कार र यौन दुर्व्यवहारसम्बन्धी मुद्दामा साढे १० वर्षको जेल सजाय सुनाइएको छ । लन्डनस्थित साउथवार्क क्राउन अदालतले सोमबार ५१ वर्षीय ब्रान्डलाई उक्त सजाय सुनाएको हो । उनी सन् २००४ देखि २००९ सम्म चार महिलामाथि भएका यौन अपराधमा दोषी ठहर भएका थिए । जसमा एक बलात्कार र तीन यौन दुर्व्यवहारका ...
। नेपालमा सञ्चालित साना क्यासिनोले अब स्तरोन्नति हुन चाहे तोकिएको मापदण्ड पूरा गरी सोही प्रक्रियामा जान सक्ने भएका छन् । सरकारले क्यासिनो नियमावली संशोधन गरी सोही सुविधा उपलब्ध गराएको छ । पर्यटन विभागका अनुसार सानो क्यासिनो सञ्चालन गरिरहेका क्यासिनोले स्तरोन्नति गरी ठूलो क्यासिनो सञ्चालन गर्न चाहे वा हाल सञ्चालनमा रहेको क्यासिनोको खेल क्षेत्रको क्षेत्रफल बिस्तार गर्न, ...