: नेपाली कांग्रेसले अगामी असोज १६ देखि १९ गतेसम्म १५ औँ महाधिवेशन गर्ने निर्णय गरेको छ। साउन २४ देखि भाद्र १ गतेसम्म बसेको केन्द्रीय कार्यसमितिको बैकले यस्तो निर्णय गरेको हो ।
प्रेस विज्ञप्ति जारी गर्दै कांग्रेसले महाधिवेशनको निर्वाचन कार्यतालिका समेत सार्वजनिक गरेको छ । जसअनुसार भाद्र २ देखि १० गतेसम्म काठमाडौं उपत्यका र उपत्यका बाहिर निर्वाचन प्रतिनिधिलाई केन्द्रीय निर्वाचन समितिले अभिमुखिकरण तालिकम प्रदान गर्नेछ ।
भाद्र ११ गते निर्वाचन अधिकृतलाई जिल्लामा खटाउने, १५ गते वडामा निर्वाचन प्रतिनिधि खटाउने, १६ देखि २० गतेसम्म वडामा अभिमुखिकरण प्रदान गर्ने र भाद्र मसान्तभित्र सम्पन्न हुँन बाँकी नेपाली जनसम्र्पक समितिको अधिवेशन गर्ने कार्यतालिका छ।
भाद्र २४ गते वडा अधिवेशन गरेर क्षेत्रिय प्रतिनिधि चयन गरिने छ। यस्तै भाद्र २७ गते गाउँ तथा नगर अधिवेशन र भाद्र ३१ गते प्रदेश सभा क्षेत्रिय अधिवेशन गरिने छ।
असोज ३ गते प्रतिनिधि सभा क्षेत्रिय अधिवेशन र एक मात्र क्षेत्र भएका जिल्लाको जिल्ला अधिवेशनबाट महाधिवेशन प्रतिनिधि चयन र कार्यसमिति निर्वाचन गर्ने कार्यतालिका छन् । यसैगरी असोज ७ गते जिल्ला अधिवेशन, १० गते प्रदेश अधिवेशन र १६, १७, १८ र १९ गते केन्द्रिय महाधिवेशन हुनेछ ।
